О́ńirde dendep kirgen indettiń beti qaıta ma desek, qaıta kóbeıip barady. Sońǵy málimet boıynsha Shyǵys Qazaqstan oblysynda koronavırýs ınfeksııasynyń 81 jaǵdaıy tirkelgen.
31 qańtar kúni «Spýtnık V» vaksınasynyń biraz bóligi Shyǵys Qazaqstan oblysyna da jetip, aqpannyń alǵashqy kúninen-aq egý bastalyp ketti. Ekpe aldymen densaýlyq saqtaý salasynyń mamandaryna salyndy.
– Eń birinshi ınfeksııalyq aýrýhanalardaǵy dárigerlerge, medbıkelerge, tazalyqshylarǵa qoıylady. Ekinshi kezekte jansaqtaý bóliminde eńbek etip júrgen medısına qyzmetkerleri alady. Úshinshi qabyldaý bólimderindegi aq halattylar egiledi. Onymen toqtamaıdy. Vaksına aqpannyń 15-nen keıin taǵy keledi. Sáýirde 75 myń doza kóleminde otandyq QazCoVac-P vaksınasy keledi, – deıdi oblystyq densaýlyq saqtaý basqarmasynyń basshysy Jaıyq Jumahanov.
Koronavırýs ınfeksııasyna qarsy vaksınany О́skemende alǵashqylardyń biri bolyp oblystyq sanıtarlyq-epıdemıologııalyq baqylaý departamentiniń ókili Qanat Turdıev jáne «Ana men bala» ortalyǵynyń bas dárigeri Ermek Omarbekov, Semeıde oblystyq densaýlyq saqtaý basqarmasy basshysynyń orynbasary Dýman Berikuly, perınataldyq ortalyqtyń bas dárigeri Arqat Daıyrbekov aldy.
Erikti túrde ekpe alǵan Dýman Berikulynyń aıtýynsha, eshqandaı teris áseri sezilmegen. Aıta ketsek, on segiz jasqa tolmaǵan balalarǵa, júkti áıelderge, bala emizetin analarǵa ekpe jasalmaıdy. Sondaı-aq bul ekpege allergııalyq reaksııasy bar azamattar da egilmeıdi.
Shyǵys Qazaqstan oblysyna jetkizilgen 1 300 dozanyń 650-i О́skemende qalsa, 650-i Semeıge jiberildi. Vaksına sany munymen shektelmeı, aı saıyn 500 myń dozaǵa kóbeıip otyrady. Eske sala ketsek, ekpe alý tegin júrgiziledi. Aldymen vaksına alýǵa kelgen ár azamat dárigerdiń tekserisinen ótedi. Vaksınalaý eki kezeńge bólingen. Birinshi komponentti engizgennen keıin araǵa 21 kún salyp, ekinshisi salynady. Aıta keterligi, egý erikti túrde júrgiziledi. Árkimniń densaýlyǵy – óz qolynda.
Shyǵys Qazaqstan oblysy