Almatyda TJO-da órt kezinde 20-ǵa jýyq kólik órtendi. О́rt saldarynan zardap shekkender joq. Bul týraly TJM resmı ókili Talǵat Ýálı málimdedi, dep habarlaıdy Egemen.kz.
Belgili bolǵandaı, órt Sátpaev kóshesindegi №139 úıde bolǵan. О́rt týraly habarlama 2 aqpanda saǵat 21.52-de Almaty TJD kezekshisiniń pýltine kelip túsken. О́rt sóndirýshiler kelgen ýaqytta TJO ashyq jalynmen janyp jatqany anyqtalǵan. О́rtti sóndirý kezinde jarylys bolǵan.
T. Ýálıdiń aıtýynsha aldyn ala esepteýlerge sáıkes 20-ǵa jýyq kólik órtengen. Jylý áserinen 4 kólik zaqymdanǵan. Taǵy 15 kólik evakýasııalandy. Shamamen 600 sharshy metr jer órtendi. Al ǵımarattyń jalpy aýmaǵy - 1300 sharshy metr.
«Saǵat 23.09-da órt aýyzdyqtalyp, saǵat 23.47-de sóndirildi. TJO-nyń qasynda ornalasqan janarmaı quıý beketine (ońtústik jaǵynda) órttiń taralýyna jol berilmedi. Zardap shekkender joq. О́rttiń neden shyqqany anyqtalyp jatyr», dedi ol.