Atyraý oblysynyń Qurmanǵazy aýdanynda turatyn 34 jastaǵy turǵynnyń 106 kıik múıizi men tegiz uńǵyly eki myltyqty zańsyz saqtaǵany anyqtalyp otyr.
«Balqudyq aýylynyń 34 jastaǵy turǵyny túngi mezgilinde «Yaqi» motokóligimen tyıym salynǵan kıikti ańshylyq qarýymen atyp, múıizin zańsyz ıemdeneni anyqtaldy. Sondaı-aq, Balqudyq aýylynyń mańynan múıizderi kesilgen kúıdegi kıik janýarynyń tórt óligi tabyldy», dep habarlady departamenttiń baspasóz qyzmetinen.
Qazir atalǵan derekke qatysty QR Qylmystyq Kodeksiniń 339-baby, 3-bóligimen (О́simdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) sotqa deıingi tergeý bastaldy.