Eýropalyq Odaq blok elderiniń azamaty sanalmaıtyn basqa el adamdaryna kirý erejelerin qatańdatty, - dep habarlaıdy Egemen.kz
Endi EO aýmaǵyna aýrýdyń mınımaldy statıstıkasy bar jáne ońtústikafrıkalyq, brıtandyq nemese brazılııalyq jańa shtamdardy juqtyrý jaǵdaılary joq memleketterdiń turǵyndary ǵana kire alady.
Avstrııa – karantındi jeńildetip jatqan jalǵyz eýropalyq el. Onda dúkender, murajaılar men haıýanattar baǵy kezeń-kezeńimen ashyla bastaıdy. Ár túrli mekenjaılarda turatyn adamdardyń qaıtadan kezdesýlerine bolady, biraq ázirge bir ýaqytta eki otbasydan aspaıdy. Qoǵamdyq oryndarda maska kııý mindetti bolyp qala beredi, halyqty qarqyndy testileý jalǵasady.
Ulybrıtanııada covid-19 jappaı testileý naýqany bastalady, shara barysynda arnaıy brıgadalar vırýstyń sońǵy nusqalary anyqtalǵan aýdandardaǵy úılerdi aralap, adamnyń aýrý belgileri bar-joǵyna qaramastan synaqtar júrgizedi. Birinshi kezeńde eldiń segiz aýdanynda 80 myń adamdy synaqtan ótkizý josparlanýda. El bıligi bul qadamnyń juqpalylyǵy joǵary dep sanalatyn KVI-dyń jańa ońtústik afrıkalyq shtamynyń taralýyn baqylaýǵa kómektesetindigine senimdi.Japonııa Tokıo men eldiń basqa aımaqtarynda tótenshe jaǵdaı rejımin taǵy bir aıǵa uzartý týraly máseleni qarastyrýda. Bılik indettiń taralý statıstıkasy tómendegenin aıtýda, biraq qajetti nátıje áli alys. Bul polısııaǵa osy ýaqytqa deıin karantındi buzýshylarǵa aıyppul salýǵa ókilettik berilmegendigine baılanysty oryn alǵan. Sársenbi kúni Japonııa parlamentiniń joǵarǵy palatasy Úkimettiń karantındik sheshimderine basqa mártebe bere alady dep kútilýde.