Búginde respýblıka boıynsha salymshylardyń zeınetaqy qoryndaǵy qarjysynyń shekti mólsherden asqan bóligin alý úshin «Otbasy bankinen» 107 774 arnaıy shot ashylǵan. 50 myńǵa jýyq azamattyń ótinimi maquldandy. Al oblysta zeınetaqy qoryndaǵy qarjyny 29 myńnan astam adam alýǵa quqyly.
Zeınetaqy qorynan birjolǵy qarjy alýǵa ótinim berý ústimizdegi jyldyń 23-qańtarynda bastaldy. О́tinishterdi enpf-otbasy.kz saıtynda qabyldaý jalǵasýda. О́tinim 5 jumys kúnniń ishinde qaralady.
- Qordan aqsha alýǵa ótinim berý úshin belgili bir shektik ýaqyt joq. Qarjyny alý bir jylmen shektelip qalmaıdy. Memlekettik baǵdarlama jalǵasyn tabady, - dedi «Otbasy bank» turǵyn qurylys úı jınaq banki» AQ oblys boıynsha fılıal dırektory Ádiljan Sáýlebaev.
Brıfıngte sala mamandary jınaqtan alǵan qarajatty jer ýchaskesin satyp alýǵa, úı salýǵa jáne bastapqy jarnany tóleýge paıdalanýǵa bolatynyn aıtty. Tek bir shekteý bar. Ol qordan alynǵan qarjyǵa satyp alynǵan úıdi 5 jyl ishinde qaıtadan satýǵa bolmaıdy.
- Bir apta ishinde zeınetaqy qoryna Otbasy bankinen 52 133 ótinim qabyldandy. Sondaı-aq, «Qazaqstan Halyq bank» operatorynan jalpy somasy 587,7 mln. teńge quraıtyn 132 ótinim keldi. Qysqa ýaqyt ishinde qor tarapynan keri qaıtarylǵan ótinimder de boldy, - dedi «BJZQ» AQ oblys boıynsha fılıal dırektorynyń orynbasary Almas Sársembaev.