Almaty qalasynyń qaq ortasynda jylý qubyry jarylyp, 9 adam zardap shekti. Raıymbek dańǵyly boıyndaǵy qubyrlardyń birinen atqylaǵan ystyq sýdan kúıip qalǵandar bar. Bul týraly «Astana» telearnasy habarlady.
Bizge kelip túsken aqparda jol boıymen ótip bara jatqan 14 jastaǵy qyz balanyń qalalyq jedel járdem aýrýhanasyna jatqyzylǵany týraly aıtylady. Al jeke bastary anyqtalmaǵan taǵy 2 naýqas aýyr jaǵdaıda jan saqtaý bólimine túsken. Dárigerler olardy3- 4-shi dárejeli kúıik shalǵanyn aıtty.Taǵy 2 naýqas oblystyq kóp salaly aýrýhanaǵa jetkizilgen. «Oqıǵa ornyna barǵan jedel járdem dárigerleri 9 adamnyń japa shekkenin anyqtady. Onyń ishinde bir jasóspirim bar. Ártúrli deńgeıdegi kúıikpen jetkizilgen naýqastar qazir em qabyldap jatyr. Olardyń denesi ystyq sý men býǵa kúıip qalǵan»,-deıdi Almaty qalasy jedel járdem stansııasy bas dárigeriniń orynbasary Vladımır Potapenko. Mamandar jylý jelisiniń tozýyna baılanysty apat oryn alǵanyn aıtyp otyr. Sondyqtan qalpyna keltirý jumystary aıaqtalǵansha, jylý ýaqytsha toqtatylǵan.
«Apat saldarynan19 kóp qabatty turǵyn úı, 36 mekeme jylýdan qaǵyldy. Aldaǵy 7-8 saǵatta qalpyna keltirý jumystary aıaqtalady degen oıdamyz»,-deıdi «Almaty jylý holdıngi» MKK bas ınjeneri Aıbek Esimov.
Baqytbek Keneshuly.
Derekkóz: «Astana» telearnasy
Foto: Ura.ru