Nıý-Iorktegi qazaq polıseıi Dımash Nııazov AQSh-tyń Maıamı qalasynda kásibı bokstan kezekti jekpe-jegin ótkizedi, dep habarlaıdy Egemen.kz
«Meniń kásibı boksta rıngke shyqpaǵaly biraz boldy. Sebebi emdeldim. Qazir bári qalpyna keldi, ózimdi jaqsy sezinemin. Osy oraıda qýanyshty habarmen bóliskim keledi. Jýyrda mende jekpe-jek bolady. Boks keshi aldaǵy 20 aqpanda Florıda shtatynyń Maıamı qalasynda ótpek. Qarsylasym kolýmbııalyq Djonatan Teres degen boksshy. Buıyrsa Qazaqstanǵa taǵy bir jeńis syılaıtyn bolamyn», dedi D. Nııaz Sybaılas jemqorlyqqa qarsy is-qımyl agenttiginiń uıymdastyrýymen onlaın ótken baspasóz máslıhatynda.