Oblys əkimi О́mirzaq Shókeevtiń bastamasymen jasaqtalǵan «Turan» komandasy el chempıonatynyń Premer-lıga oıyndaryna joldama alǵan komanda retinde jańa maýsymǵa jan-jaqty daıyndalýda.
– Elimizdiń fýtbol federasııasynyń atqarýshy komıteti kezekti otyrysta Premer-lıgada oınaıtyn komandalar quramyn 14-ke deıin kóbeıtý týraly sheshim shyǵardy. Qazaqstannyń birinshi lıgasynda bizdiń oblystan úsh komanda qatysqan bolatyn. Olar – "Maqtaaral", "Arys" jáne "Qyran" komandalary. Biz osy úzdik úsh komandadan irikteý júrgizip, oblystyń, eldiń namysyn qorǵaıtyn «Turan» fýtbol komandasyn jasaqtap jatyrmyz. Jańa fýtbol klýbyn qurý mártebesine oraı, oblys ákimdigi komandanyń jańa logotıpin qalyptastyrý úshin báıge jarııalap otyr. Baıqaýǵa elimizdiń barlyq dızaınerleri men sýretshilerin qatysýǵa shaqyramyz. О́ńirimizdiń tarıhı, rýhanı ereksheligi men salaýatty ómir saltyn ustanýǵa baǵyttaıtyn, úzdik dep tanylǵan logotıp avtoryna «Turan» fýtbol komandasynyń oıyndaryna bir jyldyq tegin bılet syıǵa beriledi. Baıqaýǵa «Coreldraw» baǵdarlamasymen daıyndalǵan, osy jyldyń 10 aqpanyna deıin jiberilgen jumystar qabyldanatyn bolady», dedi oblys ákiminiń orynbasary Sáken Qalqamanov óńirlik kommýnıkasııalar qyzmetinde ótken brıfıngte.
Jańa komandanyń basty ereksheligi – quramy tek jergilikti sportshylardan jasaqtalǵan. Iаǵnı shet memleketterden legıonerler shaqyrylmaıdy. Bul – jergilikti talantty fýtbolshylardyń úlken arenaǵa shyǵyp, óz qabiletterin kórsetýge mol múmkindik. Sondaı-aq brıfıngte oblystyq fýtbol federasııasynyń prezıdenti Hakım Kóshqalıev federasııa janynan aldaǵy ýaqytta oblystyq fýtbol akademııasy qurylatynyn jetkizdi. «Fýtbol Túrkistan oblysynda da keń órkendep, halyqaralyq deńgeıde damıtyn bolady. Oǵan jýyrda ǵana ashylǵan «Túrkistan arena» stadıony tolyq jaýap bere alady. О́ńirimizde otandyq fýtboldy jańǵyrtý maqsatynda fýtbol federasııasy quryldy. Jańadan qurylǵan federasııasynyń basty maqsaty – oblystaǵy balalar men jasóspirimder fýtbolyn damytý. Jańadan qurylǵan «Turan» fýtbol klýbyna aldaǵy ýaqytta jeńister tileımiz», dedi oblystyq federasııa basshysy.
Túrkistan oblysy