Túrkistan oblysy ákimdiginiń «Zańsyz jolaýshylar tasymalymen aınalysatyn avtokólikterdiń jumysyna tosqaýyl qoıý» tapsyrmasyna sáıkes, Maqtaaral aýdany boıynsha qurylǵan turaqty mobıldik top quramy 2021 jyldyń 30 qańtar kúni zańsyz jolaýshylar tasymalymen aınalysatyn qoǵamdyq kólikterge reıdtik is-shara uıymdastyrdy, dep habarlaıdy Egemen.kz.
Aýdannyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń bas mamany Jánibek Dosbolovtyń uıymdastyrýymen Maqtaaral aýdandyq polısııa bóliminiń qyzmetkerleri reıdtik shara barysynda 6 avtobýs pen 15-ten astam shaǵyn avtobýstardy toqtatyp, qujattaryn tekserdi. Nátıjesinde baǵyttardyń qozǵalys kestesi jáne syzbalary joq ekeni anyqtaldy.
Ishki ister mınıstrliginiń aqparattyq júıesimen ıntegrasııalanǵan planshettermen QR Ákimshilik quqyq buzýshylyq týraly Kodeksiniń kólik quraldaryn paıdalaný erejelerin buzý, jolaýshylardy jáne júk tasymaldaý qaǵıdalaryn saqtamaý baptary boıynsha 7 ákimshilik hattama toltyrylyp, aıyppuldar salyndy.
Aıta keteıik, aldaǵy ýaqytta da reıdtik is-sharalar jalǵasa beredi.