Sheteldikterdi qabyldaǵan úı ıeleri 2 kúnniń ishinde 24 eskertý aldy. Bul bizdiń óńirde 1-5 aqpan aralyǵynda «Mıgrant» jedel-profılaktıkalyq is-sharalaryn ótkizý kezinde anyqtaldy, dep habarlaıdy Egemen.kz.
Alǵashqy eki kúnde ǵana sheteldikter tarapynan 13 zań buzýshylyq anyqtaldy. Basty problema – tirkeý merzimin ótkizip alý, ruqsatsyz jumysqa ornalasý. «Úı ıelerinen de shetelden qonaqtar kelgende kóshi-qon qyzmeti qyzmetkerlerine úsh kún ishinde habarlaýǵa mindetti ekendikterin umytpaýlaryn suraımyz», - deıdi SQO Polısııa departamenti Kóshi-qon qyzmeti basqarmasynyń bastyǵy polısııa podpolkovnıgi Talǵat Ábil óziniń halyqqa qaıyrylýynda.
Elektrondyq sıfrlyq qoltańbalary bar azamattar mundaıdy qashyqtan, ıaǵnı egov.kz portaly arqyly da jasaı alady. Barlyq konsýltasııalardy turǵylyqty jeri boıynsha polısııa bóliminen nemese Petropavl qalasyndaǵy 34-00-23 telefondary arqyly alýǵa bolady eken. Búgingi kúni Soltústik Qazaqstan oblysynda 2801 sheteldik azamat turady.