Eýrazııalyq ekonomıkalyq komıssııa tóraǵasy Mıhaıl Mıasnıkovıch bastaǵan delegasııa búgin keshkisin Almatyǵa keldi, dep jazady Egemen.kz.
Eýrazııalyq úkimetaralyq keńestiń otyrysy, 5 aqpanda «Almaty Digital Forum 2021» forýmy, sondaı-aq EEK Alqasynyń Tóraǵasy Mıhaıl Mıasnıkovıchtiń Qazaqstan Respýblıkasynyń Premer-Mınıstri – EEK Úkimetaralyq keńes tóraǵasy Asqar Mamınmen kezdesedi.
Eýrazııalyq úkimetaralyq keńestiń otyrysy Eýrazııalyq ekonomıkalyq odaqqa múshe memleketterdiń úkimetteri basshylarynyń, EAEO baqylaýshylary - Moldova, О́zbekstan men Kýbanyń qatysýymen ótedi.
Osy jıynǵa О́zbekstan Respýblıkasy úkimetiniń basshysy Abdýlla Arıpov keledi. Beınekonferensııaǵa Moldova Respýblıkasynyń Premer-Mınıstri Aýrelıý Chokoı qatysady.
Úkimetaralyq keńes otyrysy aıasynda EEK pen TMD Atqarý komıteti arasyndaǵy ózara is-qımyldy tereńdetý týraly memorandýmdy iske asyrý boıynsha 2021-2022 jyldarǵa arnalǵan is-sharalar josparyna qol qoıý josparlanyp otyr.
Keshkisin Almaty Digital Forum 2021 de ótedi. Forýmnyń «Sıfrlyq qaıta júkteý: jańa shyndyqqa beıimdelý» plenarlyq otyrysyna Odaq elderi men EAEO baqylaýshy-memleketteriniń úkimet basshylary, EEK Alqasynyń Tóraǵasy Mıhaıl Mıasnıkovıch, EEK ókilderi qatysady dep kútilýde.