AQSh-ta alǵash ret er adamnyń bet-júzin jáne qolynyń bilekterin qaıta qalpyna keltirýge baǵyttalǵan operasııa sátti ótti. Ony Nıý-Iork dárigerleri 2018 jyly jol-kólik apatyna túsken 22 jastaǵy Djo Dımeoǵa jasady, dep habarlaıdy Egemen.kz
Úsh jyl burynǵy oqıǵa kezinde jas jigittiń kóligi órtenip, denesiniń 80 prosenti kúıik shalǵan. Saýsaqtary kesilip, bet-álpetiniń birazy kúıip qalǵan. Apattan keıin Dımeoǵa 20-ǵa jýyq operasııa jasaldy. Al sońǵy operasııa 23 saǵatqa sozylyp, sharaǵa 140 dáriger qatysty.
Aıta keteıik, álemde buǵan deıin osyndaı 2 operasııa jasalǵan. Biraq olar sátsiz aıaqtalǵan edi.