Qazaqstan elshisi Nurlan Seıtimov Estonııa Respýblıkasy Rııgıkogý (Parlamenti) Mádenıet komıssııasynyń tóraǵasy Aadý Mýstpen kezdesý ótkizdi, dep habarlaıdy Egemen.kz.
Kezdesý barysynda taraptar ótken parlamenttik saılaýdyń qorytyndylary jáne Qazaqstandaǵy saıası reformalardyń barysyn, ekijaqty saıası jáne ekonomıkalyq baılanystardy tereńdetýdiń keleshegin, sondaı-aq Qazaqstan Táýelsizdiginiń 30-jyldyǵyn atap ótý sheńberindegi birlesken is-sharalardy talqylady. Sonymen qatar, bilim berý salasyndaǵy yntymaqtastyqty damytýdy zańnamalyq qamtamasyz etý máseleleri qozǵaldy.
Parlamentshilerdi ekijaqty yntymaqtastyq jobalaryna neǵurlym belsendi tartýǵa erekshe nazar aýdaryldy. Osyǵan baılanysty suhbattasýshylar Covid-19 pandemııasynan keıingi kezeńde Qazaqstan men Estonııa arasyndaǵy parlamentaralyq baılanysty keńeıtý qajettigin atap ótti.