Jeke sektor kásiporyndarynda bastaýysh kásipodaq uıymdaryn qurý búginde Kásipodaqtar federasııasynyń basym mindetteriniń biri bolyp tabylady. Sebebi, jeke menshik kásiporyndarda da jıi problemalar týyndaıdy, al jumyskerler qoldaý men qorǵaýdy qajet etedi.
Nur-Sultan qalasynyń Kásipodaqtar ortalyǵy ókilderiniń aldyn-ala kelissózder júrgizýiniń nátıjesinde búgin elordadaǵy «Ásem» saýda ortalyǵynda kásipodaq uıymyn qurý boıynsha jınalys ótti.
«Ekonomıkanyń jeke sektorynda kásipodaq uıymdaryn qurýdyń erekshe mańyzy bar ekeni anyq. Qıyn ekonomıkalyq jaǵdaıda memlekettik nemese jeke kásiporyn bolsyn, birde-bir qyzmetkerdi óz problemalarymen jalǵyz qaldyrmaý mańyzdy»,-dep atap ótti Nur-Sultan qalasynyń Kásipodaqtar ortalyǵy tóraǵasynyń mindetin atqarýshy T.Kúnádilov.
«Ásem» saýda ortalyǵynyń bas dırektory Nurlan Nurmaǵambetovtyń aıtýynsha, áleýmettik baǵdarlanǵan kásiporynda 30 qyzmetker eńbek etedi. Olardyń jalaqylary ýaqytyly beriledi. Qazirgi ýaqytta saýda oryndaryn jalǵa alǵan 300-ge jýyq kásipker óz isin dóńgeletip otyr. Kásipodaq qozǵalysyna qatysý qyzmetkerlerge qosymsha jeńildikter men kepildikterdi paıdalanýǵa múmkindik beredi deıdi.
Jınalysqa qatysýshylar bastaýysh kásipodaq uıymyn qurýdy biraýyzdan qoldady. Onyń tóraıymy bolyp saýda ortalyǵynyń ákimshisi Zarına Malsaǵova saılandy.
Aldaǵy ýaqytta jańadan qurylǵan bastaýysh kásipodaq uıymy jumyskerlerdiń múddelerin eskeretin ujymdyq kelisim-shart jobasyn ázirleıtin bolady. О́z tarapynan Nur-Sultan qalasynyń Kásipodaqtar ortalyǵynyń ókilderi quqyqtyq kómek kórsetý, eńbekti qorǵaý jaǵdaıyn baqylaý boıynsha jumysty uıymdastyrýǵa kómektesedi.