Dúnıejúzilik densaýlyq saqtaý uıymy COVID-19 indeti taralý qarqynynyń birshama azaıǵanyn málimdedi. Degenmen saqtyq sharalaryn saqtaýdy eshqashan toqtatpaý qajet deıdi uıym ókilderi.
ókilderi.
– Biz bir kúnde indet juqtyrý sanynyń tómendegenin baıqap otyrmyz jáne bul qýanarlyq jańalyq. Buǵan birqatar faktorlardyń qatysy bar, sonyń ishinde elderdiń vırýstyń taralýyna jol bermeý maqsatynda qolǵa alǵan saqtyq sharalaryn atap ótýge bolady. Memleketterdiń indetti juqtyrýdan qorǵaý sharalary, medısınalyq qyzmetkerlerdiń daıarlyǵy jáne vaksınasııa kampanııasy derttiń tusaýlanýyna áser etip jatyr. Aýrý deńgeıi tómendegen elder pandemııamen kúresti toqtatpaýy kerek. Adamdar da óz kezeginde áleýmettik qashyqtyq saqtap, maska taǵyp, qol tazalyǵyna erekshe mán berip, jurtshylyq kóp shoǵyrlanǵan oryndardan aýlaq júrgeni jón, – deıdi DDSU eksperti Marııa van Kerkhoven.
DDSU málimeti boıynsha, qazir álemde vırýs juqtyrǵandar sany 104,3 mıllıonnan asty. 2,2 mln adam kóz jumdy. Qańtar aıynyń birinshi jartysynan bastap indetti juqtyrý dereginiń tómendegeni baıqalǵan.