Jýyrda elimizde zeınetaqy jasy tómendeıdi degen aqparattar jelide qyzý talqylanyp jatyr. Tıisti hań jobasyn 5 aqpanda parlamentshiler ekinshi oqylymda maquldaǵan eken-mis. Bul týraly stopfake.kz shyndyqqa janaspaıtynyn aıtty, dep habarlaıdy Egemen.kz
«Polıtıcheskıe býdnı» YouTube-arnasyndaǵy beınejazbada Qazaqstanda zeınetaqy jasyn tómendetý týraly aıtylady. Avtordyń málimdeýinshe, 2021 jyldyń 1 naýryzynan bastap er adamdar 60 jasta, áıelder 55 jasta, al bes jáne odan kóp balaly analar 52 jasta zeınetkerlikke shyǵady. QR Parlamentiniń resmı saıtynda mundaı zań jobalaryn bekitý týraly aqparat joq.
Sonymen qatar Eńbek jáne halyqty áleýmettik qorǵaý mınıstrligi elimizde zeınetkerlik jastyń tómendeýi týraly aqparatty birneshe ret teriske shyǵarǵan edi.
– Qazaqstanda belgilengen zeınetkerlik jas halyqaralyq jáne otandyq sarapshylar júrgizgen zertteýlerdiń nátıjeleri men uzaq merzimdi boljamdarǵa negizdelgen. Qazaqstandaǵy zeınetaqy jasy halyqaralyq tájirıbege, álemdegi ekonomıkalyq jáne demografııalyq jaǵdaıǵa sáıkes keledi. Sondyqtan Qazaqstanda zeınetaqy jasyn ózgertý týraly másele qaralmaıdy, – deıdi mınıstrliktiń baspasóz hatshysy Aleksandr Konones.
Qoldanystaǵy zańnamaǵa sáıkes, erler 63 jasta, áıelder 60 jasta qurmetti demalysqa shyǵady. Bul rette áıelder úshin zeınetkerlik jas 2027 jylǵa deıin 10 jyldyń ishinde jyl saıyn 6 aıǵa artyp otyrady.