Patrýldik polısııa qyzmetkerlerine 9000-nan astam qyzmettik planshet berilgen. Iаǵnı, olar budan bylaı kólik júrgizýshilerine planshetsiz aıyppul jaza almaıdy. Ákimshilik polısııa komıteti tóraǵasynyń orynbasary Serik Túsipov jańa jumys tártibiniń qyr-syryn túsindirdi, dep jazady Egemen.kz
«Qazirgi tańda patrýldik polısııa qyzmetkerleriniń qolynda 9000-nan astam planshet bar. Olardyń bári IIM-niń ortalyq bazasy men Bas prokýratýranyń ákimshilik is óndiristeriniń bazasyna qosylǵan. Jol qazǵalysyn qadaǵalaıtyn árbir qyzmetker planshetpen jabdylǵan. Planshetsiz qyzmet atqarylmaıdy. Júrgizýshi kýáligi men kóliktiń tirkeý derekteri osy planshet arqyly tekseriledi. Qazirgi tańda planshet kómegimen júrgizýshiniń jeke basyn birizdendirýge bolady. Ol onyń tólqujat derekteri arqyly iske asady nemese JSN-in planshette terse boldy. Sol kezde júrgizýshiniń kýáligi bar-joǵy, ol qujattyń mártebesi, kólik týraly málimetter shyǵady. Júrgizýshiniń ákimshilik quqyq buzý derekterin de planshet arqyly teksere alady», deıdi komıtet ókili.
Onyń sózine qaraǵanda, júrgizýshi kólikke miner kezde kýáligi men tehnıkalyq pasportyn almasa da, jeke kýáligin umytpaýy kerek. Osy kezde ǵana onyń kólik tizgindeýi zańǵa qaıshy bolmaıdy.
«Aıtqym keletini, júrgizýshiniń kýáliginsiz kólik aıdaý úshin ózimen birge jeke basyn kýálandyratyn qujat bolýy kerek. Oǵan jeke tólkujat, dıplomatııalyq qyzmettik kýálik, jeke kýálik, sheteldikterdiń yqtııar haty, týý týraly kýálik jatady. Al kólikti tekserý úshin memlekettik tirkeý nómirin planshetke engizedi. Osy kezde júıe atalmysh kólik týraly derekterdi avtomatty túrde ekranǵa shyǵarady. Kóliktiń tehnıkalyq baıqaýdan qashan ótkeni jáne saqtandyrý polıýsi qashan resimdelgeni týraly da málimetter planshet arqyly kórinedi», dedi Serik Túsipov.