Bir jylda sary maı da qymbattaǵan

2020 jyldyń qańtar-jeltoqsanynda elimizde 24,6 myń tonna sary maı óndirilip, óndiris bir jylda 30,1%-ǵa ósken. Bul – rekordtyq kórsetkish. Alaıda ónim 13%-ǵa qymbattaǵan. Sary maı óndirisiniń úshten ekisi Qazaqstannyń 3 óńirine ǵana tıesili. Birinshi orynda 8,6 myń tonna maı óndirgen Almaty qalasy (bir jyldaǵy ósim - 41,3%) tur. Munda «Adal Sút» JShS, «MASLO — DEL FOOD», «Solnechnyı» jáne basqa da sút zaýyttary ornalasqan. Ekinshi orynda – 3,8 myń tonna maı óndirgen Qostanaı oblysy (bir jyldaǵy ósim - 24,8%). О́ńirde «PK Vıta» JShS, «DEP» JShS jáne taǵy basqa kompanııalar jumys isteıdi. Úzdik úshtikke 3,7 myń tonna maı óndirgen Soltústik Qazaqstan oblysy endi.

Munda «MASLO-DEL» JShS-nyń fıllıaly, «Molprodýkt»  JShS jáne taǵy basqa kompanııalar bar. Jalpy elimizde sary maımen ózin-ózi qamtamasyz etý deńgeıi óte joǵary. 2020 jyldyń 11 aıynyń qorytyndysy boıynsha otandyq naryqta satylǵan 4 keli maıdyń úsheýin qazaqstandyq maı óndirýshiler shyǵarǵan. Osy kezeńde otandyq kompanııalar óndirgen ónim 26%-ǵa, al ımport birden 1,5 ese ósken.

Osylaısha, jalpy suranystaǵy jergilikti óndiristiń úlesi (ishki jáne syrtqy naryqta satý) 77,5% boldy. О́tken jyly bul kórsetkish 80,2% bolǵan edi. Sary maıdyń bólshek saýdadaǵy baǵasy Qazaqstan qalalary boıynsha ortasha eseppen altynshy jyl qatarynan ósip keledi.

Sońǵy jyly ol 13,2%-ǵa artty (2021 jyldyń qańtarynda bir keli sary maıdyń baǵasy 2,7 myń teńgege deıin ósti). Eń qymbat sary maı Atyraýda, onyń bir kelisi 3,2 myń teńge (+3,3%). Keıin tizimde Nur-Sultan, Aqtaý (munda 1 keli sary maı - 3,1 myń teńge), Qaraǵandy, Almaty (bul qalalarda ortasha eseppen 1 keli sary maı - 3,1 myń teńge) tur.

Qazaqstannyń iri qalalary men megapolısteri arasynda sary maı Pavlodarda birden 30,8%-ǵa qymbattady. Almaty (+29%) jáne Túrkistanda (+22,8%) baǵalar aıtarlyqtaı ósken. Sary maı tek Aqtaý (22,4%-ǵa) jáne О́skemende (1,9%-ǵa) arzandaǵan.