D. Serikbaev atyndaǵy Shyǵys Qazaqstan tehnıkalyq ýnıversıteti men Shyǵys Qazaqstan oblysynyń polısııa Departamenti arasynda memorandýmǵa qol qoıyldy. Mundaı yntymaqtastyqtyń arqasynda qazirgi zamanǵa saı, bilikti de bilimdi mamandardy daıarlaýǵa, olardy jumyspen qamtýǵa bar jaǵdaı jasalmaq.
Jıynǵa oblystyq polısııa departamenti basshysynyń orynbasary, polısııa polkovnıgi Renat Ýnarbekov, kadr saıasaty jónindegi basshy, podpolkovnık Muhtarbek Baketaev, ShQTÝ-dyń Mektep dekandary, bilim berý baǵdarlamalarynyń jetekshileri jáne Akademııalyq qyzmet jónindegi prorektor Jadyra Qońyrbaeva qatysty.
Qazirgi tańda О́skemende kólikter sany kún saıyn artyp keledi. Artqan saıyn jol qozǵalysyn saýatty uıymdastyrý kerektigi sózsiz. Sondyqtan da, joǵary oqý ornynda osy sala mamandaryn daıyndaý baǵdarlamalary júzege asyrylyp otyr.
Solardyń biri «Jol qozǵalysyn uıymdastyrý». Kezdesýde baǵdarlama jetekshisi Gúlnur Qonarbaeva bilim baǵdarlamasynyń artyqshylyqtary týraly aıtyp, josparlarymen bólisti.
Búgingi tańda qaı sala bolmasyn IT-mamandarǵa suranys óte joǵary. Sol sebepti, IT-tehnologııalar baǵytynda arnaıy daǵdylary bar jol qozǵalysyn uıymdastyrý mamandaryn daıyndaý úshin birlesken bilim berý baǵdarlamasyn qurý ıdeıasy usynyldy. Sonymen qatar, polısııa departamentiniń qurylymdyq bólimsheleri bazasynda óndiristik tájirıbeden ótýdi uıymdastyrý syndy máseleler ortaǵa salyndy.
Shyǵys Qazaqstan obylsy