Taý minezi qatelikti keshirmeıdi. О́skemennen Rıdderge shańǵy tebýge barǵan saıahatshylardyń biri oqysta kóz jumdy. Olar Úlbi ózeniniń ór jaǵyndaǵy taýdan syrǵanap kele jatqanda, kenet kóshki júrip, shańǵyshynyń birin basyp qalǵan.
– Dereý kómekke oblystyq Tótenshe jaǵdaılar departamentiniń Jedel qutqarý jasaǵynyń qutqarýshylar toby Evrokopter-145 tikushaǵymen shyqty. Quramynda kınolog ta bar. Taǵy bes adamnan quralǵan top jol talǵamaıtyn kólikpen О́skemennen shyqty. Oǵan qosa Rıdderdiń qutqarýshylary men 4 volonter jumyldyryldy, - dedi Qazaqstan Respýblıkasy Tótenshe jaǵdaılar mınıstrliginiń resmı ókili Talǵat Ýálı.
Alaıda, tikushaq kúnniń bultty bolýy men aq tútek boranǵa baılanysty qonýǵa májbúr bolǵan. Osy ýaqyt ishinde saıahatshylar baılanysqa shyqqan. О́kinishke oraı, olar qar kóshkini basyp qalǵan jigittiń denesin taýyp alǵanyn habarlaǵan. Saıahatshylar bergen koordınatqa qutqarýshylar men volonterlar qalyń qarda qııa betkeımen ázer jetken. Qarda júretin tehnıka bolmaǵanda, tipti áýrege túser edi. Onyń ústine qarańǵy da túsip ketken.
Al 1979 jyly týǵan azamattyń denesin taý basynan túsirý qutqarýshy top ertesinde qaıta shyqty. Olardyń quramynda 8 volonter, eki qutqarýshy, bir krımınaldyq polıseı bar edi. Jol kórsetý úshin be, úsh saıahatshy da shańǵy tepken qyrdy betke aldy.Osy ýaqytqa deıin TJD qutqarýshylary birneshe kún qatarynan turǵyndarǵa aldyn ala taýdaǵy kóshkin qaýpi týraly eskertý jasaǵan.