AQSh prezıdenti Djo Baıden tóńkeriske qatysqan Mıanma áskerı kúshterine qarsy sanksııalar týraly jarlyqqa qol qoıdy, dep habarlaıdy Egemen.kz
Baıden Mıanma áskerleriniń demokratııalyq kóshbasshylar men belsendilerdi tez arada bosatýǵa, sondaı-aq olar basyp alǵan bılikten bas tartýǵa shaqyrdy.
Prezıdent engizilgen shekteýler Mıanma qarýly kúshterine jáne olardyń týystarynyń ekonomıkalyq múddelerine áser etetinin naqtylap ótti.
«Sondaı-aq qatań eksporttyq baqylaýdy engizemiz. Mıanma úkimetine paıda ákeletin aktıvterdi toqtatamyz. Degenmen densaýlyq saqtaý, azamattyq qoǵam jáne halyqqa tikeleı kómektesetin basqa da salalardy qoldaýdy jalǵastyramyz», dedi AQSh prezıdenti.
Djo Baıden Vashıngton qaramaǵyndaǵy Mıanma úkimettik qorlaryna, ıaǵnı 1 mıllıard dollar somaǵa qol jetkizýden aıyrý maqsatynda is-qımyl jasaıtynyn málimdedi.
Aıtolqyn MYRZAKARIM