QR Densaýlyq saqtaý mınıstrligi Qaraǵandy farmasevtıkalyq kesheni bazasynda óndiriletin «Spýtnık V» vaksınasynyń alǵashqy dozasy shamamen qaı ýaqytta shyǵatyndyǵyn jarııa etti.
«Qaraǵandy farmasevtıkalyq kesheni bazasynda óndiriletin «Spýtnık V» vaksınasy shamamen osy jyldyń aqpan aıynyń sońynda qoljetimdi bolady. Alǵashqy jetkizilimniń boljamdy kólemi 90 myń dozany quraıdy. Sodan keıin osy jyldyń shilde aıyna deıin 2 mln doza óndiriledi. Qaraǵandy farmasevtıkalyq kesheni bazasynda shyǵarylatyn «Spýtnık V» vaksınasynyń kommersııalyq toptamasyn shyǵarý 2021 jyldyń 25 aqpanynda 90 myń doza mólsherinde bolady dep kútiledi», delingen atalǵan mınıstrliktiń taratqan aqparatynda.
Esterińizge sala ketsek, keshe Ortalyq kommýnıkasııalar qyzmetindegi baspasóz máslıhaty barysynda QR Densaýlyq saqtaý mınıstri Alekseı Soıǵa Qazaqstanda shyǵarylatyn «Spýtnık V» vaksınasyna qatysty saýal qoıylyp, ol jaýabyn jazbasha berýge ýáde etken edi.