Búgin Aqparat jáne qoǵamdyq damý mınıstri Aıda Balaevanyń Túrkııa Respýblıkasynyń Qazaqstandaǵy Tótenshe jáne О́kiletti elshisi Ýfýk Ekıdjımen kezdesýi ótti, dep habarlaıdy Egemen.kz.
Shara barysynda mınıstrliktiń jetekshilik etetin baǵyttary boıynsha ekijaqty yntymaqtastyqty damytý perspektıvalary talqylandy.
Mınıstr Túrkııanyń aqparat jáne televızııa salasyndaǵy, sondaı-aq jastardy áleýmettik qoldaý salasyndaǵy tájirıbesin zerdeleýge qyzyǵýshylyq bildirdi.
О́z kezeginde túrik tarapy jan-jaqty yntymaqtastyqqa jáne birlesken jobalardy, onyń ishinde Qazaqstan Respýblıkasy Táýelsizdiginiń 30 jyldyǵyn atap ótý sheńberinde jobalardy iske asyrýǵa daıyn ekenin bildirdi.
Taraptar ózara tıimdi yntymaqtastyqty odan ári damytýǵa nıet bildirdi.