О́ńirlik jeke sot oryndaýshylar palatasynyń bastamasymen Qostanaıda «Otbasy help» front-keńsesi jumys isteı bastady.
Ortalyqtyń maqsaty – áńgimesi taýsylǵan erli-zaıyptylardy tatýlastyrý, jas otbasylarǵa psıhologııalyq kómek kórsetý jáne otbasy qundylyqtaryn jandandyrý bolyp tabylady. О́ńirlik jeke sot oryndaýshylar palatasynyń bastamasymen Qostanaıda «Otbasy help» front-keńsesi jumys isteı bastady.
Ortalyqtyń maqsaty – áńgimesi taýsylǵan erli-zaıyptylardy tatýlastyrý, jas otbasylarǵa psıhologııalyq kómek kórsetý jáne otbasy qundylyqtaryn jandandyrý bolyp tabylady. Qazirgi zańnamalarda otbasy máselelerin retteýdiń balamaly ádisterine basymdyq berilip otyrǵanyn sot oryndarynyń ókilderi de otbasylyq terapııa aıasynda jumys isteıtin mundaı ortalyqtardyń ár shańyraqtaǵy turaqtylyq pen tatýlyqtyń saqtalyp qalýyna tıgizetin yqpaly mol dep biledi.
Qostanaı qalalyq sotynyń tóraǵasy Qanat Shaqarovtyń aıtýynsha, sońǵy jyldary jergilikti sot organdarynyń jumysynda ajyrasqan otbasylarǵa qatysty sot otyrystary jıilep ketken. Máselen, qalalyq sotqa 2019 jyly neke shartyn buzý týraly 1400, al 2020 jyly 1100 aryz kelip túsken. Sot tóraǵasy «Otbasy help» front-keńsesiniń iske qosylýy mundaı aryzdardy azaıtady degen senim bildirdi.
- Biz qıyn jaǵdaıǵa dýshar bolǵan otbasylarǵa psıhologııalyq kómekkórsetemiz. Erli-zaıyptylardyń arasyndaǵy ózara súıispenshilik pen syılastyqty tiriltýge tyrysamyz. Mundaı otbasy músheleri kóbine kúızelis ústinde júredi. Sondyqtan olarǵa psıhoterapevt mamandardyń, dáriger-narkologtardyń, zańgerlerdiń kómegin usynamyz. Jas otbasylarǵa, jas ákelerge, kelinderge arnalǵan túrli trenıngter uıymdastyryp, olardyń jumysqa ornalasýyna deıin kómektesemiz, - dedi front-ofıs jetekshisi Nesibeli Bıkenova.
«Otbasy help» front-keńsesi ózara áriptestik týraly memornadým aıasynda qazirshe Qostanaı qalalyq sotymen tize qosyp jumys istep jatyr. Front-keńse jetekshisiniń sózinshe, «Otbasy help» keleshekte otbasylyq máselelerge qatysy bar ózge de memlekettik organdarmen jáne qoǵamdyq birlestiktermen yntymaqtastyq ornatpaq. Qostanaı oblysy