Sazgerdiń sahnalyq beınesi

Sháýildirde shyr etip dú­nıe esigin ashqan Shámshiniń ómir joly, shyǵarmashylyǵy sýret­telgen qoıylymdy sah­naǵa oblystyń Jastar teat­ry alyp shyqty. Sazgerdiń ómiri men ónerin jymdastyra otyryp jazylǵan dramada onyń ánderiniń shyǵý tarıhy kórermenge ádemi jetkizilgen.

Spektakl jelisi boıyn­sha, Názıpa esimdi qyzǵa ǵa­shyq bozbala áke-sheshesiniń qala­ýymen mal dárigeriniń oqýy­na attanady. Oqýǵa ket­ken ol ásker qatarynan bi­raq shyǵyp, eline oralady. Án­ge áýes jigit áskerde jú­rip, daýysyn joǵaltyp alypty. Al aýylda qalǵan Názı­pasy ómirden ozypty. Shámshiniń veterınarlyq oqýy­na qarsy bolyp, ánmen aınalys degen de sol qyz edi. Qaraly habardy estigen boı­da jas jigit ómirin ánge ar­namaq nıette Tashkentke oqýǵa barady. Keıin sol jaq­tan Jamal Omarovanyń kó­megimen Almatyǵa oralǵan. О́ner ordasynda jas kompozıtor shyǵarmashylyqqa bir­jola den qoıyp, Názıpaǵa arnaǵan (keıbir derekterde tarıhy burmalanǵan desedi) «Qaıyqta» ánin jazady. Áýezdi ánge aqyn izdep, Nursultan Álimqulovtyń esigin qaqqany da spektaklde kórsetiledi. Ánderi qazaqtyń aspanynda áýelegen saıyn Shámshiden baqytty adam joq edi.

Qoıylymnyń tárbıelik máni de zor. Jalyndy jas­tyq­tyń býymen shyǵarma­shylyqtyń ortasynda júrgen Shámshi jaqyndaryn bir sát esten shyǵaryp alyp, anasyna topyraq sala almaı qalǵany da kórinis tapqan. Jalpy spektakl kórermendi kúldirdi, jylatty, qýantty. Patrıottyq sezimin de janydy. 1959 jylǵy Keńes ókimetiniń solaqaı saıasatyna narazylyq retinde Shámshi eldiń rýhyn kóteretindeı marsh jazýym kerek dep «Me­niń Qazaqstanymdy» dú­nıege keltirdi. Sol úshin oqýdan da shyǵyp qalǵan...

– Mynaý karantınniń kesirinen mundaı mádenı sharalardan kóp ýaqyt qol úzip aldyq. Búgin mine, valstiń koroli Shámshi Qaldaıaqovtyń 90 jyldyǵyna oraı sahna shymyldyǵy túrilip, «О́mir-ózen» qoıylymyn kórdik. Alǵan áserimdi sózben jetkize almaımyn. Jastar da shynaıy oryndady. Talaptaryna nur jaýsyn! – deıdi kórermen Esenbol Naqtybaı.

Iá, jastardyń rólderdi oınaýy, yrǵaqty bıleri, Shám­shiniń ánderin oryndaýy óte áserli boldy. Sahna dekora­sııasy da sol zamannyń rýhyn sezindirdi. Qoıylym so­ńynda jınalǵan halyq uzaq qol soǵyp, ónerli órenderge qo­shemet kórsetti.

О́SKEMEN