Konsýldyq saladaǵy ekijaqty yntymaqtastyqty tereńdetý sheńberinde beınekonferensııa tártibinde eki eldiń ádilet mınıstrlikteriniń ókilderi men dıplomatııalyq ókildikteri basshylarynyń qatysýymen Qazaqstan men Shveısarııa arasyndaǵy konsýldyq konsýltasııalardyń birinshi otyrysy ótti, dep habarlaıdy Egemen.kz.
Qazaqstandyq delegasııany Syrtqy ister mınıstrligi Konsýldyq qyzmet departamentiniń dırektory Baýyrjan Aqataev, al shveısarııalyq tarapty Federaldyq syrtqy ister departamenti Bas dırektorynyń orynbasary Loran Perrıar basqardy.
Shveısarııa Memlekettik Hatshysynyń orynbasary – Federaldyq Syrtqy ister departamenti Konsýldyq dırektoratynyń Bas dırektory Iohannes Matııashı óziniń quttyqtaý sózinde COVID-19 indetiniń qıyn kezinde osyndaı konsýltasııalardyń uıymdastyrylýyn taraptardyń dostyq qarym-qatynastarynyń ilgerilemeli damýyna naqty úles dep atady.
Kelissózder barysynda 1963 jyly jasalǵan Konsýldyq qarym-qatynastar týraly Vena konvensııasy sheginde konsýldyq árekettestik máseleleri, ekijaqty shart-quqyqtyq bazany keńeıtý jáne memlekettik qyzmetterdi kórsetýde zamanaýı sandyq tehnologııalardy qoldaný máseleleri talqylandy.
Kelissózderdiń túıindi tarmaqtary retinde koronavırýs indeti kezinde erekshe ózekti azamattardyń quqyqtary men múddelerin qorǵaý boıynsha ózara yqpaldastyqty jandandyrý saýaldary, konsýldyq-quqyqtyq saladaǵy zańdy qujattar resimdeý men apostıldeý máseleleri qarastyryldy.
Kezdesýge qatysýshylar memlekettik qyzmet túrlerin sıfrlandyrý salasynda qabyldanǵan sharalary, ıaǵnı azamattar ótinish bildirgen jaǵdaıda qaǵaz júzindegi prosedýralardan kezeń-kezeńmen bas tartý, sondaı-aq normatıvtik-quqyqtyq bazaǵa sáıkestendirý sharalary týraly aqparatpen almasty. Shveısarııanyń sıfrlandyrý salasyndaǵy jetistikterin eskere otyryp, osy salaǵa arnalǵan birlesken trenıngter jáne semınarlar uıymdastyrýdyń alǵysharttary talqylandy.
Is-shara nátıjesi boıynsha taraptar konsýldyq baılanystardyń barlyq baǵyttary boıynsha yntymaqtastyqty odan ári damytýǵa daıyndyǵyn rastady.