Pákistandyq antıterrorlyq uıym bir terrorıstti óltirip, taǵy beseýin eldiń ońtústigindegi Sınd provınsııasynyń Karachı portynda qolǵa túsirdi, dep habarlaıdy Egemen.kz
Karachı terrorızmge qarsy polısııasynyń ókili Omer Shahıd Hamıd jergilikti BAQ-qa málimdegendeı, qaýipsizdik qyzmetkerleri dúısenbi kúni tańerteń Shah-Latıf aýdanynda arnaıy operasııa jasaǵan.
Bul operasııa barysynda terrorıster quqyq qorǵaý organdarynyń bronetransporterine qol granatasyn laqtyrdy. Sodan keıin sodyrlar men tártip saqshylary arasynda atys bastalyp, nátıjesinde, bir terrorıst oqıǵa ornynda óltirilgen.
Omer Shahıdtiń habarlaýynsha, polısııa tutqyndalǵan terrorısterden jarylǵysh zattardy jáne mınalanǵan rıkshany tárkiledi. Saperler dereý oqıǵa ornyna kelip, rıkshada ornatylǵan jarylǵysh zattardy zalalsyzdandyrdy.
Búginde tergeý jumystaryn júrgizý úshin lańkester belgisiz jerge aparyldy.
Aıtolqyn MYRZAKARIM