Sybaılas jemqorlyqqa qarsy is-qımyl agenttiginiń Tóraǵasy Alık Shpekbaev Fransııanyń Qazaqstandaǵy jańa elshisi Dıde Kanesspen kezdesti, dep habarlaıdy Egemen.kz.
Taraptar áńgimelesý barysynda saıası jańǵyrtý men sybaılas jemqorlyqty joıýǵa baǵyttalǵan eldegi júrgizilip jatqan reformalardy talqylady.
Sybaılas jemqorlyqqa qarsy vedomstvosynyń basshysy birinshi basshylardyń aldyn alý jumystarynyń jetkiliksizdigi, jaýapkershilikti qatańdatý jáne sybaılas jemqorlyq quqyq buzýshylyqtary úshin sottalǵandarǵa shartty túrde merziminen buryn bosatýdyń kúshin joıý týraly jaýapkershilikti atap aıtýmen, salalyq zańnamanyń novellalary týraly egjeı-tegjeıli aıtyp berdi.
О́z tarapynan, Kaness myrza Agenttiktiń júrgizip jatqan jumysy týraly oń pikirin bildirip, Qazaqstannyń halyqaralyq reıtıngterdegi pozısııalarynyń jaqsarǵanyn atap ótti.
Fransııanyń Qazaqstannyń top-5 ınvestorlarynyń qataryna kiretinin eskere otyryp, «Protecting business and investments» jobasy dıplomattardyń erekshe qyzyǵýshylyǵyn týdyrdy. Taraptar osy baǵyttaǵy ózara is-qımyldy nyǵaıtýǵa jáne Qazaqstandaǵy fransýz bıznesiniń ókilderimen jaqyn arada kezdesý uıymdastyrýǵa kelisti.
Eki eldiń sybaılas jemqorlyqqa qarsy yntymaqtastyǵynyń negizi 2009 jyly úkimetaralyq kelisim deńgeıinde qalandy. Belgilengen ýaǵdalastyqtar sheńberinde jyl saıyn jylyna, keminde, 2 ret Agenttik qyzmetkerleri tájirıbe almasýǵa jáne fransýz áriptesterinen oqýdan ótýge múmkindik alady.
Mysalǵa, 25-29 qańtar aralyǵynda Ulttyq basqarý mektebiniń (ENA) qoldaýymen Ortalyq Azııa óńiri men Aýǵanstannyń sybaılas jemqorlyqqa qarsy organdarynyń qyzmetkerleri úshin onlaın-semınar uıymdastyryldy.
Kezdesý sońynda elshi ótken jyly oqýdan ótken adamdarǵa sertıfıkattar tabys etti. Taraptar bir-birimen, onyń ishinde taǵylymdamalardy uıymdastyrý arqyly tájirıbemen bólisýdi odan ári jalǵastyrýǵa nıetti.