Qazaqstanda 1 aqpannan bastap koronavırýstyq ınfeksııaǵa qarsy vaksınasııa bastaldy. Birinshi kezekte vaksınany KVI juqtyrý qaýpi joǵary adamdar alady, dep habarlaıdy Egemen.kz elorda ákimdiginiń resmı saıtyna silteme jasap.
1 aqpannan bastap elordada 1 640 adam koronavırýsqa qarsy ekpe aldy. Vaksınasııa boıynsha 1 500-den astam medısına qyzmetkeri oqytyldy.
Esterińizge sala keteıik, birinshi kezeńde medısına qyzmetkerleri, onyń ishinde jedel medısınalyq járdem stansııalarynda, reanımasııada, sanıtarlyq-epıdemıologııalyq qyzmette jumys isteıtin mamandar vaksınasııalanady. Kelesi kezeńde - mektep muǵalimderi, JOO pedagogtary, polısııa qyzmetkerleri, TJ qyzmetkerleri jáne t. b. qabyldaıdy.
Reseılik "Spýtnık V" vaksınasy eki komponentti: 1-komponentti alǵannan keıin ekinshisi 21 kúnnen keıin egiledi.
Búgingi tańda 1-komponenttegi vaksınasııa aıaqtalýda.