Halyqaralyq bıatlonshylar odaǵy (IBU) 2023 jylǵy 4-12 naýryz aralyǵynda Shýchınsk qalasyndaǵy Qazaqstannyń respýblıkalyq shańǵy bazasynda jasóspirimder arasynda bıatlonnan álem chempıonatyn ótkizýge kelisim berdi, dep habarlaıdy Egemen.kz.
Qazaqstan bıatlonshylar odaǵy (QBO) uzaq ýaqyt boıy halyqaralyq bıatlonshylar odaǵymen tyǵyz baılanysta.
2019 jyly álem chempıonaty kezinde QBO prezıdenti Ermek Qızatov bastaǵan qazaqstandyq delegasııa Shvesııanyń Estersýnd qalasynda IBU prezıdenti Olle Dalınmen kezdesti. Kezdesý barysynda Qazaqstanda IBU jasóspirimder arasyndaǵy álem chempıonatyn ótkizýge ótinim berildi.
«Keshe ǵana tehnıkalyq komıtet pen halyqaralyq bıatlonshylar odaǵynyń basqarma músheleri Shýchınsk qalasynda jasóspirimder arasyndaǵy álem chempıonatyn ótkizý týraly sheshim qabyldaǵanyn rastaımyz.
Ulttyq Olımpıada komıtetiniń (UOK) halyqaralyq sport uıymdarynyń qoldaýynyń arqasynda Qazaqstanda bedeldi ári aýqymdy is-sharany ótkizý múmkindigine qol jetkizildi.
Álemniń 50-den astam elinen sportshylar qatysady dep kútilýde. Bul bizdiń elimiz úshin bıatlondy jańa deńgeıge kóterýdegi tamasha múmkindik bolyp sanalady», - dep túsindirdi Qazaqstan bıatlonshylar odaǵynyń prezıdenti Ermek Qızatov.
Bıatlonnan Qazaqstan quramasy jyl saıyn álem kýbogy men IBU kýbogynyń barlyq kezeńine qatysyp keledi. Bıatlonnan áıelder estafetasynyń ulttyq quramasy álem kýbogynyń VII kezeńiniń qorytyndysy boıynsha qazir 14/orynda, al komanda kóshbasshysy Galına Vıshnevskaıa áıelder arasyndaǵy jeke jarystyń qorytyndysy boıynsha 9-orynǵa ıe boldy.Shýchınsk qalasynda shańǵy-bıatlon bazasy 2018 jyly ashyldy. IBU tarapynan sertıfıkattaýdan ótip, halyqaralyq jarystardy ótkizý úshin «A» sanatyn aldy.