Bilim jáne ǵylym mınıstrligi 8 kolledjdiń lısenzııasyn qaıtaryp aldy. Osyǵan baılanysty olardyń qyzmeti tolyǵymen toqtatyldy, dep habarlaıdy Egemen.kz
QR BǴM Bilim jáne ǵylym salasynda sapany qamtamasyz etý komıteti oqý oryndarynyń bilim berý qyzmetine monıtorıng júrgizip, tıisti materıaldyq-tehnıkalyq bazasy joq kolledjderdi anyqtady. Ol oqý oryndarynda sabaq júrgizilmegen nemese mektep túlekteri sol kolledjderge (birinshi kýrsqa) oqýǵa túsýge qyzyǵýshylyq tanytpaǵan.
Mysaly, Kókshetaý zań kolledji men Taldyqorǵan zań kolledjinde bilim alǵan stýdentter túlek atanǵan soń, atalmysh oqý oryndarynyń basshylyǵy lısenzııalaryn óz erkimen qaıtarý týraly sheshim qabyldady. Jalpy barlyq jabylǵan kolledj stýdentteri basqa oqý oryndaryna ýaqytyly aýystyryldy jáne oqytýshylary jumyspen qamtamasyz etildi.
QR BǴM kolledjderdiń bilim berý qyzmetine qatysty monıtorıng jumystaryn jalǵastyrady.