2021 jyldyń 11 aqpanyndaǵy jaǵdaı boıynsha BJZQ-ǵa ýákiletti operatorlardan («Otbasy Banki» TQJB» AQ jáne «Qazaqstan Halyq Banki» AQ) turǵyn úı jaǵdaılaryn jaqsartý maqsatynda birjolǵy zeınetaqy tólemderin júzege asyrýǵa 109 900 ótinish tústi, dep habarlaıdy Egemen.kz.
Jalpy somasy 386,4 mlrd teńgeden asatyn 71 200 ótinish oryndaldy. Salymshylardyń arnaıy shottaryna túsken tólemderdiń ortasha somasy 5,4 mln teńgeden asatyn somany qurady.
21,7 mlrd teńgeden asa somaǵa 3 988 ótinish ýákiletti operatorlarda ashylǵan arnaıy shottarǵa keıinnen tólemder jasaý úshin óńdelýde.
Úkimet qaýlysymen bekitilgen «Zeınetaqy tólemderin, birjolǵy zeınetaqy tólemderin turǵyn úı jaǵdaılaryn jaqsartý jáne (nemese) emdelýge aqy tóleý maqsatynda júzege asyrý» qaǵıdalaryna sáıkes, jınaqtardy ýákiletti operatorǵa aýdarý ýákiletti operatordan BJZQ-ǵa salymshynyń ótinishi kelip túskennen keıin 5 jumys kúni ishinde júzege asyrylatynyn eske salamyz.
Bul rette Qazaqstan Respýblıkasy Azamattyq kodeksiniń 173-babyna sáıkes ýaqyt kezeńimen belgilenetin merzimniń ótýi oqıǵanyń bastalýy belgilengen kúntizbelik kúnnen nemese oqıǵanyń bastalýynan keıingi kelesi kúni bastalatynyn atap ótken jón.
2021 jylǵy 25 qańtardan bastap (BJZQ ýákiletti operatordan ótinish qabyldaı bastaǵan kún) 34 712 ótinish zańnama talaptaryna sáıkes kelmeýine baılanysty qabyldanbady. О́tinimderdi qabyldamaýdyń negizgi sebebi ótinishte kórsetilgen suratylyp otyrǵan somanyń zeınetaqy jınaqtarynyń alýǵa qoljetimdi somadan asyp ketýi bolyp tabylady. О́tinishterdi qabyldamaý sebepteri men olardy joıý boıynsha usynymdar týraly BJZQ buǵan deıin egjeı-tegjeıli baıandaǵan bolatyn.
Eger qandaı da bir sebeptermen salymshynyń ótinishi qabyldanbaǵan bolsa, olardy joıyp, jetkiliktilik sheginen asatyn soma bolǵan jaǵdaıda, ótinishti sheksiz ret berýge bolady.