Qazaqstan basshysynyń Reseı astanasyna jumys sapary aıasynda Máskeýdegi Jazýshylardyń ortalyq úıinde otandyq «Elbasy joly» fılminiń tusaýkeseri ótti. О́ner týyndysyn tamashalaýǵa kelgen 500-ge tarta kórermenniń arasynda Reseı úkimetiniń músheleri, Memlekettik Dýma depýtattary, belgili rejısserler men akterler, tanymal sarapshylar, sondaı-aq, stýdentter boldy.
Qazaqstan basshysynyń Reseı astanasyna jumys sapary aıasynda Máskeýdegi Jazýshylardyń ortalyq úıinde otandyq «Elbasy joly» fılminiń tusaýkeseri ótti. О́ner týyndysyn tamashalaýǵa kelgen 500-ge tarta kórermenniń arasynda Reseı úkimetiniń músheleri, Memlekettik Dýma depýtattary, belgili rejısserler men akterler, tanymal sarapshylar, sondaı-aq, stýdentter boldy.
Fılm kórermen nazaryna usynylmastan buryn, Qazaqstannyń Reseı Federasııasyndaǵy Tótenshe jáne ókiletti elshisiniń keńesshisi Vıktor Temirbaev sóz alyp, qazaq kınoındýstrııasynyń jańa týyndysyn kórýge ýaqyt taýyp kelgenderi úshin jınalǵandarǵa alǵysyn bildirdi. «Men elshilik basshylyǵy atynan búgingi sharany uıymdastyrýshylarǵa, Jazýshylardyń ortalyq úıine, ásirese, avtorlyq ujymǵa jáne osy fılmdi tamashalaýǵa jıylǵan qaýymǵa rızashylyǵymdy bildirgim keledi. Bul fılm, ásirese, jastarǵa tulǵanyń qalyptasý joly qalaı júretini jóninde úlken sabaq bolady dep oılaımyn», dedi elshiniń keńesshisi óziniń sózinde.
Budan keıingi kezekte ol sóz tizginin Ulttyq prodıýser ortalyǵynyń bas prodıýseri Arman Asenovke usyndy. A. Asenov bul fılm túsiriliminiń basynan aıaǵyna deıin júrip, talmaı ter tókken ujymdyq toptyń eńbegin erekshe atap ótti. Ol: «Bul joba asa aýqymdy jáne qıyn joba boldy. Sebebi, bul qazaq kınoındýstrııasynyń bir jarym jylda túsirgen, eki serııadan turatyn tolyq metrajdy alǵashqy fılmi», deı kele, fılmniń rejısseri Rústem Ábdirashevtiń eńbegin, akterler qaýymynyń shyǵarmashylyǵyn joǵary baǵalady.
О́ziniń rejısserlik daryn-qabiletimen jurttyń júreginen oryn alǵan R.Ábdirashevke de jurttyń yqylasy erekshe boldy. Ol jınalǵandarǵa altyn ýaqyttaryn qıyp, sharaǵa qatysýǵa nıet bildirgenderi úshin alǵysyn jetkizdi. «Postkeńestik keńistikte dúnıege kelgen kez kelgen kınematograftyń júreginde Máskeýdiń alar óz orny bar. Mysaly, men ózim osy qalada oqyp, bilim aldym. Demek, bul – maǵan dáris bergen ustazdar da osy qaladan degen sóz. О́kinishke qaraı, olar búgin ómirde joq. Olardyń qataryna Bolat Mansurov sekildi ustazdarymdy jatqyza alamyn. Osy oraıda, meniń azamat bolyp qalyptasýyma yqpal etken ustazdarymdy eske alyp, olarǵa sheksiz rızashylyǵymdy bildirgim keledi. Osydan jıyrma bes jyldaı ýaqyt buryn men Bolat Mansurovtyń «Sultan Beıbarys» fılmine túsýge kelgenimde jasym on bes, on altylarda edi. Múmkin osy fılmdegi rólim meniń kıno álemine kelýime sep bolǵan shyǵar. Bolat aǵa maǵan únemi: «Senen kúnderdiń bir kúninde rejısser shyǵady degen úmitim bar», deıtin edi. Ol kisi, bálkim, osyny óziniń ishki bir túısigimen sezgen bolar. Men ózim oqyǵan VGIK bilim ordama da alǵysymdy bildiremin. Osy jerge meniń dostarym men áriptesterim kelip otyr. Bul fılm – ujymdyq eńbektiń jemisi. Kıno – ujymdyq týyndy. Sol sebepti, ol túrli mamandyq ıeleriniń, óz isiniń sheberleriniń kúsh-jigerin talap etetini belgili. Reseılik kınoakterlerdiń eńbegin aıryqsha atap ótken oryndy. Máselen, Valentın Gaft, Sergeı Shakýrov sekildi ataqty akterlerdiń orny erekshe», dedi Rústem Ábdirashev.
Al S.Shakýrov: «Meniń bul fılmdegi epızodtyq rólim shaǵyn. Tipti, «Mehanık Gavrılovtyń súıikti áıeli» fılminde oınaǵan rólimnen de az», dep ázildeı kele, ózi somdaǵan D. Qonaevtyń obrazyna toqtalyp, onymen ómirde kezdesken kezde alǵan áserlerimen bólisti.
«Elbasy jolyn» tamashalaǵannan keıin máskeýlikter fılmnen alǵan áserlerimen bólisip, Elbasynyń tulǵa bolyp qalyptasý joly kórinis tapqan týyndy tóńireginde ózderiniń jyly lebizderin bildirip jatty.
Láıla EDILQYZY,
«Egemen Qazaqstan» – Máskeýden.