Búgin QR Ekologııa, geologııa jáne tabıǵı resýrstar mınıstrliginiń keńeıtilgen alqa otyrysynda «Qazsýshar» RMK Bas dırektory Arman Qasenov kásiporynnyń 2020 jylǵy jumys qorytyndylary men sý salasyndaǵy bıylǵy jylǵa arnalǵan josparlar jaıynda baıandady.
Bul baǵytta ótken jyly mańyzdy jumystar júrgizildi. Atap aıtsaq, Maqtaaral aýdanyndaǵy tótenshe jaǵdaıdyń saldary joıyldy. 375 shaqyrym kanaldar men 387 sý obektileri jóndeldi.
«Sý tapshylyǵy jaǵdaıynda vegetasııalyq kezeńi ótti. Kosmomonıtorıng standartty tájirıbege aınalyp, alańdardyń aıyrmashylyǵy anyqtaldy», - dep atap ótti Arman Qasenov.
Sondaı-aq, qaıta jańǵyrtý sýarý obektilerine tehnıkalyq tekserý júrgizildi.
Bıýdjettik baǵdarlama aıasynda birneshe kanaldar jańartyldy. Máselen, Aqtóbe oblysy boıynsha on eki, Pavlodar oblysy boıynsha bes joba iske asyrylýda.
Mekeme beretin sý kólemniń 75 paıyzy – aǵymdy aǵatyn sý kólemin quraıdy. 55 myńnan astam tutynýshyny sýmen qamtamasyz etý úshin 5 800 shamasynda sý nysandaryn paıdalanady.
«Osy jyly sý tarıfiniń ádil deńgeıin qarastyrýǵa ótinim engizildi. Jańa tarıf – mekeme damýyna múmkindik beredi», - dep atap ótti Qazsýshar basshysy.
Sonymen qatar, operasııalyq qyzmetti sıfrlandyrýdy júrgizilýde. Atap aıtqanda: sý tóleý qyzmetin qabyldaý onlaın júıege aýdarylmaq, kólikterge GPS-monıtorıngi engizildi, elektrondyq qujattama engizildi, memlekettik organdarmen ıntegrasııa qamtamasyz etildi, sý paıdalanýshynyń elektrondyq jeke kabınetin qurý josparlanýda.
Búgingi kúni mekeme aldynda sý tasqyny kezeńine daıyndyqty qamtamasyz etý, sý esebin avtomattandyrý boıynsha jobalardy iske asyrý, sý tóleý qyzmetin qabyldaý tolyq kólemde onlaın júıege aýdarý sııaqty mańyzdy-mindetter tur.
Qazsýshar bas dırektory aǵymdaǵy jyldyń basym mindetteriniń biri retinde kásiporyndy aksıonerlik qoǵamǵa berýdi kózdeıtin kásiporyndy transformasııalaý josparyn iske asyrýdy atady.
«О́zgerister bıýdjettikten tarıftik qarjylandyrýǵa kóshý, ınvestısııalyq tartymdylyqty jaqsartý, korporatıvtik basqarýdy jetildirý jáne bıznes-prosesterdi ońtaılandyrý bolyp tabylady», - dep túıindedi Arman Qasenov.