Búgin, 14 aqpanda saǵat 8:56-da Almaty qalasy Tótenshe jaǵdaılar departamentiniń kúshteri men quraldary «Domıllıon» saýda oıyn-saýyq ortalyǵynyń ekinshi qabatynda shyqqan órtti sóndirýge jóneltildi, dep habarlaıdy Egemen.kz
«Kelgen sátte ǵımarattyń ishindegi qoımalardan qatty tútin shyǵyp jatqany anyqtaldy. Shuǵyl órt oqpandary berilip, jedel shtab quryldy. Qabyldanǵan sharalardyń arqasynda órt saǵat 09:46-da sóndirildi. 50 sharshy metrdi sharpyǵan órt sóndirý jáne tútindi joıýdyń avtomatty júıesi der kezinde iske qosylyp, bul órttiń taralýyna jol berilmedi. Oqıǵa ornynda 24 birlik tehnıka, jeke quramnan jáne qalanyń ózara is-qımyl qyzmetinen 79 adam jumyldyryldy», dep jazylǵan habarlamada.