Densaýlyq saqtaý vıse-mınıstri Ajar Ǵınııat tóraǵalyǵymen ótken náreste ólimin azaıtý boıynsha shuǵyl sharalar qabyldaý jónindegi respýblıkalyq shtabtyń otyrysynda elimizde ana men bala óliminiń kórsetkishi aıtarlyqtaı tómendegeni týraly aıtyldy, dep habarlaıdy Egemen.kz
Jıynǵa óńirlerdegi densaýlyq saqtaý basqarmalarynyń, respýblıkalyq medısınalyq uıymdardyń jáne medısınalyq JOO ókilderi qatysty.
Densaýlyq saqtaý mınıstrliginiń baspasóz qyzmetiniń habarlaýynsha, náreste ólimin azaıtýǵa halyqaralyq qujattarda sondaı-aq elimizdiń baǵdarlamalarynda basymdyq berilgen.
Ajar Ǵınııat 2020 jyldyń qorytyndysy boıynsha respýblıkada oń dınamıka baıqalyp, náreste óliminiń kórsetkishi ótken jylmen salystyrǵanda 7,2%-ǵa tómendegendigin atap ótti.
Vıse-mınıstr keltirgen derekterge qaraǵanda, 2019 jyly 1000 tiri týǵan nárestege shaqqanda 8,40 bolsa, bıyl 7,79, al 2020 jylǵa nárestelerdiń ólim-jitim ındıkatorynyń nysanaly máni Densaýlyq saqtaýdy damytýdyń 2020-2025 jyldarǵa arnalǵan memlekettik baǵdarlamasyna sáıkes 10,1 quraıdy. Sondaı-aq, balalar ólim-jitim kórsetkishi ótken jylǵy kórsetkishpen salystyrǵanda 16,8%-ǵa tómendedi jáne tiri týǵan 1000 balaǵa shaqqanda 2019 jylǵy 10,7-ge qaraǵanda 8,9-dy qurady. QR Densaýlyq saqtaýdy damytýdyń 2020-2025 jyldarǵa arnalǵan memlekettik baǵdarlamasyna sáıkes balalar ólim-jitimi kórsetkishiniń nysanaly ındıkatory 2020 jyldyń qorytyndysy boıynsha 10,6 bolýy tıis.
«Atalǵan kórsetkishterge áser etýdiń mańyzdy aspektileriniń biri – analardyń densaýlyǵyn jaqsartý, perınataldyq jáne neonataldyq kómekti jetildirý, patronajdyq qyzmettiń ámbebap-progressıvti modelin, balany emshek sútimen emizýdi qoldaý», dedi vıse-mınıstr.
Osyǵan oraı vıse-mınıstr vedomstvo elimizde múmkindigi shekteýli balalarǵa keshendi kómek kórsetýdi jetildirý, onyń ishinde erte jastaǵy skrınıngterdi qolǵa alý jónindegi jol kartasyn iske asyrý sheńberinde sharalar qabyldap jatqanyn jetkizdi.
Medısınalyq-sanıtarııalyq alǵashqy kómek kórsetý baǵytynda ýchaskelik qyzmettiń balalarmen jumysty uıymdastyrý jáne aralas qyzmettermen sabaqtastyqtyǵyn jaqsartý qajet.
Sonymen birge, medısına qyzmetkerleriniń biliktiligi men kásibı bilim deńgeıin arttyrý jónindegi jumysty jalǵastyrý, balalar mamandarynyń tapshylyǵyn sheshý, onyń ishinde «Pedıatrııa (neonatologııa), balalar reanımatologııasy, anestezıologııa» jáne «balalar pýlmonologııasy» mamandyqtary boıynsha kadrmen qamtýdy 100%-ǵa deıin jetkizý qajet.
Sondaı-aq Memleket basshysynyń tapsyrmasy boıynsha bosandyrý uıymdary men balalar stasıonarlaryn zamanaýı jabdyqtarmen tolyq jaraqtandyrý josparlanýda.