Premer-Mınıstr Asqar Mamın «100 naqty qadam» Ult josparyn sapaly oryndaý maqsatynda Elbasynyń «El úmiti» bastamasy aıasynda iske asyrylǵan ózgeristerdi basqarý jónindegi salalyq menedjerlerdi daıarlaý baǵdarlamasyna qatysýshylardyń forýmyn ótkizdi, dep habarlady Úkimet basshysynyń baspasóz qyzmeti.
Is-sharaǵa Prezıdenttiń kómekshisi – Qaýipsizdik Keńesiniń hatshysy Áset Isekeshev, ortalyq memlekettik organdardyń basshylary, mentorlar jáne ónerkásip, AО́K, qurylys, geologııa, densaýlyq saqtaý, bilim berý, medıa, saýda jáne logıstıka, sý resýrstary, týrızm, mádenıet jáne sport komandalarynyń ókilderi qatysty.
О́zgeristerdi basqarý jónindegi salalyq menedjerlerdi daıarlaý baǵdarlamasy Nursultan Nazarbaev qorynyń bastamasymen, Úkimettiń jobalyq ofısimen birlesip júzege asyryldy. Baǵdarlamanyń maqsaty – ekonomıkanyń negizgi salalaryn transformasııalaý úshin naqty usynystar ázirleý.
2020 jyldyń basynda ótkizilgen konkýrs qorytyndysy boıynsha 2 958 úmitkerden, ásirese, jetekshi ulttyq jáne sheteldik uıymdarda úlken praktıkalyq jumys tájirıbesi bar 234 sarapshy iriktelip alyndy. Baǵdarlamaǵa mentorlar retinde Qazaqstannyń, AQSh-tyń jáne Eýropa elderiniń memlekettik jáne jeke sektorlarynan 64 maman qatysty.
2020 jyly Premer-Mınıstr A.Mamın baǵdarlamaǵa qatysýshylarmen 50-ge jýyq júzbe-júz kezdesý ótkizdi. О́zgeristerdi basqarý jónindegi menedjerler salalyq mindetterdi sheshe otyryp, elimizdiń damýyna úles qosyp qana qoımaı, Elbasy akademııasy uıymdastyrǵan trenıngtik is-sharalar barysynda óz biliktilikterin jaqsartty.
Úkimet basshysy О́zgeristerdi basqarý jónindegi salalyq menedjerlerdi daıarlaý baǵdarlamasy Tuńǵysh Prezıdent – Elbasy Nursultan Nazarbaev pen Memleket basshysy Qasym-Jomart Toqaev tarapynan jastardyń jobalary men bastamalaryn qoldaýdyń, sondaı-aq Úkimettiń jas mamandarmen tıimdi ózara is-qımylynyń jarqyn mysaly bolyp otyrǵanyn atap ótti.
Salalyq menedjerlerdiń, mentorlardyń jáne memlekettik organdar ókilderiniń úılesimdi jumysynyń nátıjesinde eldi damytýǵa baǵyttalǵan 150-den astam naqty bastama ázirlengen.
«Salalyq menedjerlerdiń árbir usynysyn tıisti memlekettik organdar egjeı-tegjeıli qarady. Ár sala boıynsha jol kartalary ázirlendi. Endi bizdiń basty mindetimiz – olardyń is júzinde júzege asyrylýyn qamtamasyz etý. Mindetterdiń basym bóligi osy jyldyń sońyna deıin oryndalýy tıis», dedi A.Mamın.
Premer-Mınıstr salalyq menedjerlerdiń bastamalaryn iske asyrý Qazaqstan Respýblıkasynyń 2025 jylǵa deıingi ulttyq damý jospary sheńberinde ekonomıkanyń turaqty ósimin qamtamasyz etý jáne halyqtyń ál-aýqatyn arttyrý boıynsha mindetterdi sheshýge yqpal etetinin atap ótti.