Týrızm tyǵyryqqa tirelip tur

Jaqynda Ulybrıtanııanyń kólik mınıstri Grant Shepps turǵyndarǵa el ishinde nemese shetelde demalýǵa aldyn ala jospar qurmaýdy eskertken edi. Onyń bul pikirin halyq birden ilip áketip, dúrlige tústi. Bir jyl boıy vaksına tabylsa, bári retke keledi degen oımen otyrǵan adamdarǵa bul aýyr tıgen sekildi. Kim de bolsa jaǵdaıdyń turaqtalyp, qalypty tirlikke tezirek oralýdy armandaıtyny sózsiz. Onyń ishinde erkin saıa­hattap, el aralaý­dy ańsaıtyny qanshama. Eldiń premer-mınıstri Borıs Djonson aı basynda jazǵy demalysqa deıin qaýip seıiledi degen optımıstik pikir aıtqanymen, qazir qaıta senimsizdik tanytyp otyr. Ulybrıtanııada koro­na­vırýstyń jańa shtammy paıda bolyp, eldegi epıdemııalyq ahýal­dyń kúrt ózgerdi. Álem elderi brı­tandyqtardy shekara­dan ótkizýge úzildi-kesildi qarsy bol­ǵan-dy. Jaǵ­daı jaqsaryp, jappaı vak­sına salynyp jatqanymen, qaýip to­lyǵymen joıyla qoımaıdy. Sol sebepti mamandar Eýropa men Uly­brı­tanııaǵa baǵyt alǵan saıahatshylardan áli de bolsa asyqpaýdy suraıdy.

Al týrıstik uıymdar úmitin úzer emes. ABTA týrıstik qaýymdasty­ǵy­­nyń ókili Shon Tıpton ahýal bir­­tin­dep bolsyn jaqsaryp kele jat­­­qanyn alǵa tartady. Bul pikir­diń negizinde halyqtyń jappaı vak­­­­sına alyp jatqany túsinikti. О́ıt­­keni Ulybrıtanııa álemde alǵ­ash­qy­l­ar­dyń biri bolyp vaksınaǵa ruq­sat berip, turǵyndarǵa ekpe sala bas­tady. Eýropa odaǵyna múshe elder kesh te bolsa osy kóshke qosylý­dy maqsat etedi. Qanshama daýdan ke­ıin EO memleketteri de jazǵa de­ıin halyqtyń basym kópshiligine vak­sına salýdy josparlap otyr. Bul – sońǵy jyly týrızm sekildi tu­ra­lap qalǵan salalardy qaıta damy­týǵa baǵyttalǵan sharalardyń biri. Eýro­paǵa demalysqa shaqyratyn tul­ǵa­lar da dál osy vaksınaǵa se­nim artyp otyrǵany belgili. Máselen, Ryanair áýe kom­pa­nııasynyń basshysy osy jazda vak­sı­nalaýdyń arqasynda Eýropa jaǵa­jaılary demalýshylarǵa toly bolady degen boljam jasady. Áýe tasymaly múmkin bolmaǵandyqtan, kompanııa byltyr 1 mlrd eýro tabysynan aıyrylǵan eken. Daǵdarystyń salqyny tıgen avıa salasynyń ókilderi shekaralardyń qaıta ashylyp, týrızmniń qalpyna kelýin dál osy jappaı vaksınalaýmen baı­lanys­­tyryp otyr. Ulybrıtanııa 50 jas­tan asqan azamattaryna naýryzdyń sońyna deıin, al Eýropa elderi maý­symǵa deıin COVID-19-ǵa qarsy vaksına salýdy kózdeıdi.

Odan bólek, osyǵan deıin týrızm salasynda qyz­met etken keıbir kompanııalar men mamandar baǵy­tyn ózgertip, qonaqúılerdiń aýrýhanalarǵa aına­lyp ketkeni qanshama?! Munyń barlyǵy týrızm ındýst­rııa­synyń aldaǵy jaz­daǵy daıyndyǵyna áser etpeı qoı­mas. Dese de tabysyn osy saladan kórip otyrǵan memleketter týrıst qabyl­daýǵa saqadaı saı bolýdy, al turǵyndar emin-erkin saıahattaýdy asyǵa kútedi.

Túrkııa sekildi tabysy kóbi­ne týrızm sala­synan túsetin el­der­de demalys erterek bas­ta­lyp ketti. Indetten taısalmaǵan jurt jaǵa­­jaı­da jatyr. Qazir el ishinde vırýs juqtyr­ǵan­dar sany tu­raq­talǵanymen, shetelderden naý­­­qas­­tanyp kelip jatqandar bar. Aýst­ralııa, Jańa Zelan­dııada jergi­likti naýqastar birneshe kún qatary­nan anyqtalmaı keledi, onyń ornyna shetelden kelip karantınge jabylǵan azamattardan indet belgi­leri tabylǵany habarlandy. Bul elderdegi epıdemııalyq jaǵdaı turaqtalǵanymen, shekarasyn ashyp, demalýshylardy qarsy alýǵa da­ıyn emes. Aýstralııa úkimeti osyǵan deıin bıyl da el shekarasy jartylaı jabyq bolatynyn habarlaǵan-dy.

Baıqaǵanymyzdaı, úkimetterdiń týrızm salasyna qatysty usta­nym­dary ártúrli. Túrkııa, Afrıka, Maldıv araldary sekildi klımaty jyly tanymal demalys oryndary qazirden ashyq. Al Eýropa elderi jappaı vaksına salynǵannan keıin, jaz aılarynda týrıst qabyldaýǵa da­ıyn bolsa, Aýstralııa indettiń qaýpi tolyǵymen seıilmeı saıahatshylarǵa esik ashpaıtyn sekildi.