Atyraý qalasynda meıramhanalar men dámhanalardyń, klýbtardyń ıeleri 2 mln 858 myń teńge aıyppul tóleıtin boldy, dep jazady Egemen.kz
Atyraý qalasynyń sanıtarııalyq-epıdemıologııalyq baqylaý basqarmasy mamandarynyń aqparatyna súıensek, mobıldik toptar reıd kezinde karantındik shekteý sharalaryn buzǵan birneshe nysan anyqtalyp otyr.
«Qoǵamdyq tamaqtaný obektileriniń, oıyn-saýyq mekemeleri men dúkenderdiń ıeleri QR Ákimshilik quqyq buzýshylyq týraly Kodeksiniń 425-baby, 1-tarmaǵymen ákimshilik materıal jasaý úshin Atyraý qalasynyń sanıtarııalyq-epıdemıologııalyq baqylaý basqarmasyna shaqyryldy. Olardyń arasynda «Salam Bro», «Masha ı Medvedı», «Chechıl pab», «KESh» karaoke klýby, «Vobla» dámhanasy, «Alkomarket» dúkeni, «Kerýen», «Aıva» meıramhanalary, «Regıonbet» loto-klýby men «Tuki doner» donerhanasy sekildi kásipkerlik nysandardyń ıeleri bar. Atalǵan nysandardyń ıelerine 2 mln 858 myń 660 teńge aıyppul salyndy», dep habarlady basqarmanyń mamandary.