Atyraý qalasy ákiminiń orynbasary laýazymyn Erbolat Ýmarov atqaratyn boldy, dep habarlaıdy Egemen.kz
Qalalyq ákimdiktiń baspasóz qyzmeti usynǵan aqparatqa súıensek, Erbolat Bolatjanuly ál-Farabı atyndaǵy QazUÝ-di bitirgen. Eki shet tilin meńgergen halyqaralyq quqyq mamany.
Eńbek jolyn 2001 jyly zańger bolyp bastady. 2005 jyldan beri sot organdarynda, memlekettik qyzmette jumys isteıdi. 2009-2013 jyldary Atyraý oblystyq tabıǵı resýrstar jáne tabıǵat paıdalanýdy retteý basqarmasy basshysynyń orynbasary, basshysy, 2013-2015 jyldary Maqat aýdanynyń ákimi bolǵan.
Buǵan deıin Soltústik Qazaqstan oblysy boıynsha ekologııa departamentiniń basshysy laýazymyn atqaryp keldi.