Búgin Qyzylorda qalasy ákiminiń orynbasary Asqarbek Esjanov oblys ortalyǵyndaǵy abattandyrý jumystary júrgizilip jatqan birqatar nysandardy aralady. Aralaýda aldymen qaıta jańǵyrtýdan ótken Temir jol parkiniń saltanatty ashylý rásimine qatysty.
Qaıta jańǵyrtylǵan parkte qala turǵyndary úshin voleıbol, basketbol, tennıs jáne sporttyq jattyǵý alańdary men sýburqaq salynǵan.
Ashylý saltanatynda sóz alǵan Asqarbek Temirbekuly jańarǵan saıabaqtyń zamanaýı keskinine erekshe toqtalyp, eskiniń estelikterin kóneniń kózindeı saqtap, búgingi kúnge mańyzyn joǵaltpaı jetkizgen qurylysshylarǵa alǵys bildirdi. Sonymen birge saıabaq el ıgiligine uzaq jyldar qyzmet etip, kelýshilerge qolaıly demalys ortasyna aınalaryna senim bildiretindigin jetkizdi.
Ǵ.Muratbaev atyndaǵy ortalyq stadıonnyń aýmaǵyn abattandyrý qalada atqarylyp jatqan aýqymdy jumystardyń biri. Qazir onda 9 myń sharshy metr jerge kespe tas tóseý jumystary júrgizilýde. Kelesi kezekte oryndyqtar men túngi jaryq shamdar ornatylmaq. Atalǵan aýmaqty jańǵyrtýǵa 65 adam jumysqa tartylyp, qurylys jumystaryn maýsym aıynda aıaqtaý josparlanýda.