AQSh-tyń Iýta shtatynda ótken frıstaıl-akrobatıkadan Soltústik Amerıka kýbogynda jerlesterimiz taǵy bir altyn medal oljalady.
Muhıttyń arǵy betinde ótip jatqan halyqaralyq týrnırde Qazaqstan komandasynyń múshesi Sherzod Hashırbaev fınaldyq básekede sátti óner kórsetip, tuǵyrdyń eń bıik satysyna kóterildi. Jerlesimiz altyn júlde úshin ótken saıysta 95,17 upaı jınady. Kúmis medal kanadalyq Emıl Nadonyń, qola júlde amerıkalyq Erık Krıýgerdiń enshisine buıyrdy. Qazaqstandyqtar Roman Ivanov altynshy, Ildar Batrýtdınov segizinshi orynda.
Aıta keteıik, osydan birer kún buryn dál osy týrnırde taǵy bir jerlesimiz Janbota Aldabergenova qarsylastaryn shań qaptyryp, altynnan alqa taqqan edi.