Shymkent qalasyndaǵy «Tassaı» ındýstrıaldy aımaǵynda óz óndirisin damytyp kele jatqan kásiporynnyń biri – «NURTAU Distribution Company» JShS.
2016 jyly qurylǵan kompanııa bastapqyda ımporttalǵan jýǵysh zattar men jeke gıgıena quraldaryn satýmen aınalysty. Sondaı-aq, Shymkentke saǵyz jetkizýshi jalǵyz dıstrıbıýter bolatyn. 2018 jyly jeke kásipkerler taýardy tek satý emes, kerisinshe ózderi daıyn ónimdi shyǵara alatynyna kóz jetkizedi. 2 jyl ishinde kommýnıkasııa, ónimdi ótkizý jáne t.b., belgili tájirıbeler qalyptasty.
Osy mezette Davran men Abaı birlese shokolad, pechene jáne saǵyz shyǵaratyn kondıterlik fabrıka ashýdy oılastyrady.– Bizdiń kompanııa úsh jylǵa jýyq otandyq jáne sheteldik ónim óndirýshilerdiń dıstrıbıýteri boldy. Al 2018 jyly óz óndirisimizdi ashý qajet ekenin túsindik. Bir jylǵa jýyq ýaqyt boıy izdendik, qajetti aqparatty jınadyq. О́z múmkindikterimizdi, kásipti damytý máselelerin zerdeledik. Jumys osylaı bastaldy, – deıdi kompanııanyń bas dırektory Abaı Myrzaev.
2019 jyly suly shokolady men saǵyz óndiretin kondıterlik fabrıkanyń qurylysy úshin kompanııa jeńildetilgen nesıe alýǵa «Damý» qoryna júgindi. «ATF Bank» AQ 15 % nesıemen qarjylandyrdy. Nesıeniń 9 %-yn «Damý» Qory sýbsıdııalaıdy.
Búginde jańa kásiporyn saǵatyna 300-400 keli shokoladty pechene, 400-500 keli saǵyz óndiredi. Qanshama jyl ımporttyq ónimdi satyp kelgen jeke kásipkerler qazirgi tańda jańa baǵytqa bet burdy.