Qazaqstanda 2021 jyldyń birinshi aıynda 801 myńnan astam sharshy metr turǵyn úı paıdalanýǵa berildi, dep habarlaıdy Egemen.kz.
Premer-Mınıstri Asqar Mamınniń tóraǵalyǵymen ótken Úkimet otyrysynda elimizdiń 2021 jylǵy qańtardaǵy áleýmettik-ekonomıkalyq damýynyń jáne respýblıkalyq bıýdjettiń atqarylýynyń qorytyndylary qaraldy.
Elimizdiń ónerkásip sektoryndaǵy qazirgi jaǵdaı týraly ındýstrııa jáne ınfraqurylymdyq damý mınıstri Beıbit Atamqulov baıandady. 2021 jyldyń qańtar aıynda elimizdiń óńdeý ónerkásibinde oń úrdis saqtaldy.
Mashına jasaý salasynda naqty kólem ındeksi 116,2% qurady. Avtokólik quraldary, treılerler jáne ashyq tirkemeler, mashınalar men jabdyqtar óndirisi, ózge de kólik quraldaryn, kompıýterler, elektrondyq jáne optıkalyq jabdyqtar jasaý, jóndeý jáne ornatý esebinen ósti.
Mınıstrdiń aıtýynsha, tústi metallýrgııada da oń dınamıka baıqaldy. О́sim 106,6% qurady. Oǵan tazartylǵan altyn, tazartylǵan kúmis, quıma altyn, túıirshikterdegi kúmis, katodty mystyń jáne basqa da kórsetkishterdiń ósimi esebinen qol jetkizildi. Qara metallýrgııada naqty kólem ındeksi 96,9% qurady. Shıkizattyń jetkiliksizdigine, tutynýshylardyń tapsyrystarynyń azaıýyna baılanysty shoıyn óndirisi, relster, bolat qubyrlar, armatýralyq prokat tómendedi.
«Sonymen qatar kásiporyndarmen birlesip eksporttyq áleýetti ónimdi ótkizýdiń balamaly naryqtaryna qaıta bólý jumystaryn júrgizip jatyrmyz. Jyl sońyna qaraı birlesken jumys nátıjesinde atalǵan kórsetkishke qol jetkizý josparda bar», dedi B. Atamqulov.
Farmasevtıka ónerkásibinde óndiris kólemi 4% artty. «Hımfarm» aksıonerlik qoǵamynda jáne «Viva pharm» jaýapkershiligi shekteýli seriktestiginde shyǵarylatyn ónim kólemi 2 esege ósti. «Dolce» kásipornynda 18% artty.
Negizinen, ósim halyqtyń dárilik zattar men medısınalyq buıymdarǵa degen suranysynyń artýy esebinen boldy. Dezınfeksııalyq quraldar men mıneraldy tyńaıtqyshtarǵa suranystyń artýy hımııa ónerkásibiniń óndiris kólemin arttyrdy. О́sim 12,8% qurady. Qurylys materıaldary óndirisi 111,8% boldy. Oǵan portland-sement, gıps, sılıkat jáne qoj kirpishteri, qurylys eritindileri óndirisiniń artýy esebinen qol jetkizildi. Bıyl óńdeý ónerkásibinde negizgi kapıtalǵa salynatyn ınvestısııa kólemi 1,2 trln teńge bolady dep josparlanǵan. Bul rette eńbek ónimdiligi 5,6% ósýi tıis.
«Indýstrııalandyrý kartasy sheńberinde bıyl jalpy somasy 1,93 trln teńgege 112 jobany iske qosý josparlanǵan. 13,4 myń jumys orny ashylady», dedi mınıstr.
Sonymen qatar shekteý sharalary kólik salasyndaǵy naqty kólem ındeksine teris áser etýde. 2021 jyly qańtar aıynda bul kórsetkish 82,6% qurady. Bul rette tranzıttik konteınerlik tasymalda 81,4 myń jıyrma fýnttyq balama kóleminde oń dınamıka saqtaldy. О́sim 27% qurady.
«Kóliktiń barlyq túrimen júk tasymaldaý kólemi 0,28 mlrd tonna nemese ótken jyldyń sáıkes kezeńimen salystyrǵanda 93,4% qurady», dedi B. Atamqulov.
Jyl sońyna deıin respýblıkalyq mańyzy bar avtojoldardyń 90% jáne jergilikti joldardyń 76% jaqsy jáne qanaǵattanarlyq jaǵdaıǵa jetkizý josparlanyp otyr. 6,5 myń shaqyrym aqyly jol engizilip, ulttyq standartqa sáıkes keletin jol servısin 66% jetkizý kózdelgen.
«Temirjol kóligimen tranzıt 23,1 mln tonnaǵa deıin nemese 12% artady dep otyrmyz. Onyń ishinde konteınerler tranzıtin 1 mln jıyrma fýnttyq balamaǵa jetkizemiz», dedi mınıstr.
Qurylys salasynda naqty kólem ındeksi 2021 jyldyń qańtar aıynda 107% boldy. Barlyq óńirde oń dınamıka baıqalady. Turǵyn úı qurylysynda osy jyldyń birinshi aıynda 801 myń sharshy metr baspana paıdalanýǵa berildi. Iаǵnı, 2020 jyldyń sáıkes kezeńimen salystyrǵanda 109,4%. Respýblıka boıynsha barlyǵy 6810 baspana paıdalanýǵa berildi.
«О́tken jylmen salystyrǵanda turǵyn úıdi paıdalanýǵa berý kólemi Mańǵystaý oblysynan basqa, 16 óńirde artty. Jalpy bıyl elimizde 17 mln sharshy metr turǵyn úı salynady. Memleket basshysynyń tapsyrmasyna sáıkes turǵyn úı qurylysy kezinde jergilikti qamtý úlesin arttyrýǵa tıispiz. Bul bıznes úshin qurylys materıaldarynyń otandyq naryǵyn damytýǵa qosymsha múmkindik beredi», dedi mınıstr.
Sondaı-aq saladaǵy qajettilikti aıqyndaý maqsatynda negizgi 24 pozısııa boıynsha qurylys materıaldary naryǵyna taldaý júrgizildi.
«Búgingi tańda otandyq óndirýshiler 10 taýar pozısııasy boıynsha ishki naryqtyń qajettiligin tolyǵymen óteı alady. 11 pozısııa boıynsha elimizdiń kásiporyndary shamamen 50% qamtamasyz etedi. Al lınoleým, tusqaǵaz, sanfaıans sııaqty 3 pozısııa boıynsha ishki naryqta ázirge óndiris joq», dep túıindedi B. Atamqulov.