Almatyda dızaıner Sábıt Bisen-niń ólimine qatysty sot otyrysy ótip jatyr. Prokýror sottan aıyptalýshyny kináli dep tanyp, ony 12 jyl bas bostandyǵynan aıyrýdy surady.
Dızaınerdiń otbasy aıyptalýshyny 15 jylǵa qamaýdy jáne 10 mıllıon teńge moraldyq shyǵyn óteýdi surady. Prokýrordyń sózinshe, dızaınerdi óltirgen S. Dúısenǵalıevke 99-baptyń 1-bóligi boıynsha aıyp taǵylǵan.
«Men aıyptalýshynyń kinási dáleldendi dep esepteımin. Ony kináli dep tanyp, 12 jylǵa bas bostandyǵynan aıyrýdy suraımyn», dedi prokýror.
О́z kezeginde,sottalýshy Sábıt Bisen-niń jaqydarynan keshirim surady. «Men otbasynyń keshirim suraımyn. Ony qasaqana óltirý meniń oıymda bolǵan joq», deıdi sottalýshy Saǵynysh Dúısenǵalıev.
Eske salaıyq, qazaqstandyq dızaıner 2020 jyldyń kúzinde kisi qolynan qaza tapty. Aıta keteıik, Sábıt Bisen - tanymal streetwear-brendiniń dızaıneri bolǵan. Onyń qazasy týraly dostary men áriptesteri áleýmettik jelide habarlaǵan edi. Is Almaty qalasynyń qylmystyq ister jónindegi mamandandyrylǵan aýdanaralyq sotynda qaralyp jatyr.