Mańǵystaý óńirindegi ekologııalyq máselelerin sheshý úshin úsh qoǵamdyq qurylym kúsh biriktirdi. Aqtaýda Qarakól kóliniń problemalaryn sheshýge arnalǵan dóńgelek ústel barysynda «Atameken» aımaqtyq kásipkerler palatasy, «Ekojer» respýblıkalyq qaýymdastyǵynyń aımaqtyq ekologııalyq keńesi men óńirlik "Tabıǵı orta" qaýymdastyq arasynda úsh jaqty túsinistik pen yntymaqtastyq týraly memorandýmǵa qol qoıyldy.
«Atameken» óńirlik kásipkerler palatasynyń dırektory Rashıt Mustapaevtyń aıtýynsha, úshjaqty memorandým Mańǵystaý oblysynyń iskerlik ortasy men áleýmettik saladaǵy ekologııalyq aspektiniń áleýetin kúsheıtýge arnalǵan.
«Ekojer» respýblıkalyq qaýymdastyǵynyń Mańǵystaý oblysy boıynsha aımaqtyq ekologııalyq keńesiniń tóraǵasy Qajymurat Haırýshev adamnyń ekologııalyq oılaý qabileti bala kezden qalyptasýy tıis degen pikirde. Ol tabıǵatqa degen qurmet sezimin mektep jasynan bastap bastaýǵa, bilim ordasynda jalǵastyrýǵa jáne stýdenttik jyldardy bosqa ótkizip almaý mańyzdy degen oıyn ashyq jetkizdi.
О́z kezeginde, «Tabıǵı orta» Batys-Qazaqstan aımaqtyq ÚEU qaýymdastyǵy keńesiniń tóraǵasy Ádilbek Qozybaqov, bıoártúrlilikti saqtaý salasyndaǵy yntymaqtastyqtyń mańyzdy tustaryn atap ótti. Ústirttegi taý eshkileri (ýrıaldy), aqbókenderdiń, Kaspıı ıtbalyqtarynyń, Sakar Suńqarynyń, bekire balyqtarynyń jáne basqa da sırek kezdesetin jáne joıylý qaýpi bar janýarlar men ósimdikterdiń Mańǵystaý oblysyndaǵy jaǵdaıǵa alańdaýshylyq bildirdi.
Memorandýmǵa qol qoıý arqyly taraptar aldaǵy ýaqytta halyqtyń, sonymen qatar kásipkerlerdiń ekologııalyq mádenıetin jaqsartýǵa kúsh salýdy kózdeıdi.
Mańǵystaý oblysy