Jýyrda ǵana Nıderlandtyń Herenven qalasynda konkımen júgirýden jekelegen qashyqtyq boıynsha álem birinshiligi óz máresine jetti. Bul synǵa Dmıtrıı Babenko baptaıtyn qazaqstandyqtar da qatysqan bolatyn.
Ulttyq qurama jattyqtyrýshysy álemdik dodany qorytyndylap, sportshylar nátıjesine baǵasyn berdi. «Álemdik jarystarǵa daıyndyq kezeńi óte qıyn jaǵdaıda ótti. Dese de, álem chempıonatyna jeńip alǵan joldamalar sany boıynsha rekord ornattyq. Keıingi 20 jylda bizdiń komanda sapynan munsha sportshy álem chempıonatyna qatyspaǵan. Sondyqtan birinshilik biz úshin sátti ótti dep esepteımin», deıdi ol.
Aıta keteıik, jahandyq dodada 1500 metrge jarysýdan Ekaterına Aıdova men Nadejda Morozova qazaqstandyqtar arasynda eń úzdik nátıjege qol jetkizdi. Eki sportshy ondyqtyń qatarynan kórindi. Demıan Gavrılov, Dmıtrıı Morozov pen Vıtalıı Shıgolev komandalyq jarysta altynshy oryndy qanaǵat tutty.