IBF jáne IBO nusqalary boıynsha orta salmaqtaǵy álem chempıony Gennadıı Golovkınniń promoýteri Tom Leffler Fino Boxing-tiń YouTube platformasyndaǵy paraqshasynda qazaqstandyq boksshynyń sharshy alańǵa qashan oralatynyn málimdedi, dep habarlaıdy Egemen.kz
Lefferdiń aıtýynsha, Golovkın kelesi kezdesýin maýsym aıynda ótkizýi múmkin, alaıda naqty qaı kúni ótetini jáne kimge qarsy judyryqtasatyny belgisiz.
Sondaı-aq, ol Golovkınniń Saýl «Kanelo» Alvarespen úshinshi márte judyryqtasý úshin ekinshi orta salmaq dárejesine ótýi múmkin ekenin jáne tartysty kezdesý úshin barlyq usynysqa kelisýge ázir ekenin jetkizdi. Desek te, promoýter Golovkınniń 5 mamyrda meksıkalyq Haıme Mýngııaǵa qarsy ótkizýi múmkin kezdesýi týraly naqty eshteńe aıtpady. Esesine, ol Gennadıı Golovkın men WBA tujyrymy boıynsha álem chempıony japondyq Rıota Mýrata arasyndaǵy kezdesý qyzyqty ári tartysqa toly ótýi múmkin ekenin, eki taraptyń bul jekpe-jekti uıymdastyrýy ábden yqtımal ekenin aıtty.