Qala ákimi Murat Áıtenovtiń tapsyrmasy boıynsha qala aýmaǵyndaǵy sý qoımalaryna monıtorıng jasaıtyn ýltradybystyq sáýle taratqysh pen LoRaWAN radımodem datchıgi ornatyldy. Bul joba Respýblıkada alǵash ret Shymkent qalasynda júzege asyp otyr. Arnaıy qurylǵy ýltradybystyq tolqyndardyń kómegimen sý túbinen betine deıingi ár mıllımetrdi dáldikpen anyqtaıdy.
Arnaıy qurylǵy tasqyn qaýipiniń aldyn alýǵa, kúndelikti sý deńgeıin anyqtaýǵa jáne boljam jasaýǵa múmkindik beredi
Bul jóninde baspasóz brıfıngte Tótenshe jaǵdaılar departament basshysynyń orynbasary, polkovnık Jánibek Kárimbaev málimdedi.
–Sý qoımalaryna arnaıy qurylǵy ornatý jumysy «Sıfrlandyrýdy jáne sıfrlyq ınfraqurylymdy damytýdyń 2020-2021 jyldarǵa arnalǵan» Jol kartasy negizinde qolǵa alyndy. Bul datchıkter Badam, Toǵys sý qoımalarynda jáne Badam ózenine ornatyldy, - dedi Jánibek Turlybekuly.
Qazirgi tańda Shymkentte tasqyn jaǵdaıy bir qalypty. Qala aýmaǵyndaǵy sý qoımalarynda tolý deńgeıi 15-42% jetken. Tótetnshe jaǵdaı oryn alǵan jaǵdaıda artyq sýdy qabyldaýǵa jetkilikti qor qarastyrylǵan.
Sý tasqynynyń aldyn alý úshin shaharda TJ jáne polısııa departamenti, Ulttyq ulan men kommýnaldyq mekmelerden 700-ge jýyq adam, 48 tehnıka, 41 motopompa jáne 17 júzý quraly, 19 birlik motor sorǵysy ázirlengen.
Sonymen qatar, tótenshe jaǵdaılar kezinde zardap shekken turǵyndardy qabyldaýǵa 129 evakýasııalyq pýnktteri daıyndalǵan.