Aqparat jáne qoǵamdyq damý mınıstrligi belgili telejýrnalıst Nurtileý Imanǵalıulynyń otbasy men týǵan-týystaryna kóńil aıtty, dep habarlaıdy Egemen.kz.
Búgin 68 jasynda belgili jýrnalıst, Qazaqstan Jýrnalıster odaǵy syılyǵynyń eki márte laýreaty, «Altyn Juldyz» syılyǵynyń ıegeri, Qazaqstan aqparat salasynyń úzdigi, Qazaqstannyń eńbegi sińirgen qaıratkeri Nurtileý Imanǵalıuly ómirden ozdy.
Eńbek jolyn televızııa salasynda qatardaǵy tilshi bolýdan bastap, daryny men talantynyń arqasynda redaktor, aǵa redaktor, kommentator, bas redaktor, saıası sholýshy, dırektordyń orynbasary, «Habar» agenttiginde moderator-júrgizýshi, «Qazaqstan» RTRK AQ Basqarma tóraǵasy, Prezıdent Ákimshiligi men Úkimet keńsesinde túrli laýazymdarda qyzmet atqardy.
Búkil sanaly ǵumyryn otandyq televızııa salanynyń damýyna arnaǵan Nurtileý Imanǵalıuly «Qurdastar», «Jastar daýysy», «Araı», «Jadyńda ma, joldas», «Aına», «Jas jiger», «Betpe-bet», «Qoltańba», «Dińgek», «Kórshiler», «Zań sóılesin», «Nur-Tiley» syndy avtorlyq baǵdarlamalary arqyly qalyń kórermen esinde qaldy.⠀
Qazaqstan Respýblıkasy Aqparat jáne qoǵamdyq damý mınıstrligi marqumnyń otbasy men týǵan-týystarynyń qaıǵylaryna ortaqtasyp, kóńil aıtady.